பணச்சந்தை - மெனு கார்ட் - 5

 

சார், இந்த ஷேர் மார்கெட் எங்க இருக்கு? அங்கே என்ன பொருள் ச்சீப்பா கிடைக்கும்? என்று கேட்கும் அளவுக்குத்தான் எனது பங்குச் சந்தை அறிவு இருந்தது. 2004 ஆம் ஆண்டு வரை. எனக்குள் பங்குச்சந்தை ஆர்வம் என்ற விதையை விதைத்தவரின் பெயர் திரு.சுதிர் குமார். நான் வேலை பார்த்த நிறுவனத்தில் பொது மேலாளர்.அவர் நிறைய விஷயங்களில் எனக்கு குரு.எனக்கு எப்போதாவது அரிதாக நேரம் கிடைக்கும் சமயங்களில் அவரது அறைக்குச் சென்று வேலை விஷயமாக பேசிக் கொண்டிருப்பேன். சில சமயங்களில் நான் பேசும்போது அவரது வாய் மட்டும் "உம" கொட்டிக்கொண்டு இருக்கும். கண்கள் கம்ப்யூட்டர் திரையில் பதிந்தவாறு இருக்கும். திரையில் பச்சை, சிவப்பு, நீலம் என்று கலர் கலராய் என்னென்னமோ எண்கள் நொடிக்கு பலமுறை மாறிக்கொண்டே இருக்கும். திடீரென பரபரப்பு தொற்றிக்கொண்டவராய் கம்ப்யூட்டரில் ஒரு ஸ்க்ரீனைத் திறந்து அதில் உள்ள இன்புட் பாக்ஸ்களில் எதையோ டைப் செய்து மவுஸ் பட்டனை அழுத்துவார்.. பின்னர் நிதானமாக எனது பக்கம் திரும்பி "இப்போ சொல்லுங்க. என்னமோ பேசிட்டு இருந்தீங்களே என்பார். நான் மறுபடி "Yesterday what  happened you know ?" என்று புதிதாய் ஆரம்பிப்பேன். கொஞ்சம் நேரம்தான். மறுபடி வெறுமனே 'உம' கொட்டிக்கொண்டு கம்ப்யூட்டர் திரையை முறைக்க ஆரம்பித்து விடுவார். மீண்டும  ஒரு பரபரப்புடன் முன்னே செய்த மாதிரியே எதையோ டைப் செய்து மவுஸ் பட்டனைக் 'கிளிக்'குவார். முகத்தில் ஒரு பெரிய சாதனையை முடித்த திருப்தியுடன் என் பக்கம் திரும்பி ,'நடுவில கொஞ்சம் பக்கத்தைக் காணோம்' ஹீரோ மாதிரி மீண்டும் "இப்போ சொல்லுங்க. என்னமோ பேசிட்டு இருந்தீங்களே" என்று அதே கேள்வியைக் கேட்பார். ஆர்வக்கோளாரோ, இல்லையென்றால் இப்படிக் கடுப்பு ஏற்றுகிறாரே என்ற கோபமோ, "அப்பிடி பேசுவதைக் கூட கவனிக்காமல் கம்ப்யூட்டரில் என்ன சார் செய்து கொண்டு இருந்தீர்கள்?" என்று கேட்டு விட்டேன்.

"ஒன்றும் இல்லை. பத்தாயிரம் ரூபாயை வைத்துக்கொண்டு 'ஷேர் ட்ரேடிங்' கில் 300 ரூபாய் சம்பாதித்தேன்" என்றார். 3 சதவிகித லாபம் வெறும் பதினைந்து நிமிடங்களில் என்பது எனக்குள் பெரிய ஆர்வத்தைத் தூண்டி விட்டது.

"சார். இது எப்படி செய்ய வேண்டும். எனக்கும் கொஞ்சம் கம்ப்யூட்டர் தெரியும். சொல்லிக் கொடுங்களேன்" என்றேன்.

"முதலில் யாராவது ஒரு புரோக்கரிடம் ஒரு வர்த்தகக் கணக்கு (Trading Account ) ஆரம்பிக்கவேண்டும் "

"நீங்களே ஒரு நல்ல புரோக்கர் பெயர் சொல்லுங்கள் சார்"

"வேண்டாம். நீயாகவே இன்டர்நெட்டில் தேடித் தெரிந்துகொள்" என்று சொல்லி முடித்துக் கொண்டார். எங்கே அவர் உதவி செய்து நான் அவரை விட சம்பாத்தித்து விடுவேன் என்ற பொறாமையோ என்னமோ என்று நினைத்துக் கொண்டேன். அன்றே இணையதளத்தில் தேடுதலை ஆரம்பித்தேன். முதல் முயற்சியிலேயே "Sharekhan" என்ற பங்குத்தரக நிறுவனத்தின் விளம்பரம் கண்ணில் பட்டது. அதில் இருந்த Enquiry பக்கத்தில் எனது பெயர், வயது, மொபைல் நம்பர் என்று கேட்ட விவரங்களை எல்லாம் டைப் செய்து அனுப்பி வைத்தேன். சரியாக பத்து நிமிடங்களில் போன் வந்தது. எப்போது வந்தால் பார்க்க முடியும் என்று கேட்டனர். "உடனே வர முடியுமா?" என்று கேட்டேன். இன்று சாயங்காலமே சுதிர் குமாரிடம் சென்று "நீங்கள் உதவவில்லை என்றால் என்ன?நான் அக்கவுண்ட் ஆரம்பித்து விட்டேன்" என்று சொல்லவேண்டும் போல் ஒரு வெறி.அந்த நிறுவனத்தின் விற்பனைப் பிரதிநிதியும் தாமதம் செய்யாமல் தேவையான பத்திரங்களோடு வந்துவிட்டார். "மாட்டுக்கு ஒரு கையெழுத்தா? விட்டா மடுவுக்கு ஒன்னு கேப்பீங்க" என்ற  வடிவேலுவின் ஜோக்கை  நிஜமாக்குவது போல பக்கத்துக்கு இரண்டு, மூன்று கையெழுத்துகள் வாங்கினார். " "உடனே ட்ரேடிங் செய்ய ஆரம்பித்து விடலாமா? என் கையில் 2000 ரூபாய் இருக்கிறது." என்று கேட்டேன்.அவர் என்னை ஒரு மாதிரியாகப் பார்த்தவாறே" சார். இந்த டாக்குமெண்ட்ஸ் எல்லாம் சரிபார்த்து அக்கவுண்ட் ஓப்பன் செய்யவே ஒரு வாரம் ஆகிவிடும் . எப்படியும் மினிமம் பத்து நாட்கள் ஆகும் என்றார். கொஞ்சம் ம் ஏமாற்றமாகி விட்டது.

"எனக்கு ஷேர் மார்க்கெட் பற்றி எதுவும் தெரியாது. நீங்கள் ஆரம்பத்தில் கொஞ்சம் உதவ முடியுமா? என்றேன்.

"அது ரொம்ப ஈஸி  சார். உங்களுக்கு அக்கவுண்ட் விபரங்கள் வரும்போது கூடவே ஒரு கையேடும் (Mannual) வரும். அதில் எப்படி ட்ரேடிங் செய்யவேண்டும் என்ற எல்லா விபரங்களும் இருக்கும். இங்கிலீஷ் படிக்கத் தெரிந்தால் போதும். பங்குகள் வாங்கவேண்டும் என்றால் "Buy " க்ளிக் செய்யவேண்டும். விற்கவேண்டும் என்றால் "sell ": க்ளிக் செய்யவேண்டும் "

அடுத்த ஒரு வாரத்தில் அக்கவுண்ட் விபரங்கள், பாஸ் வேர்ட் எல்லாமே கூரியரில் வந்து விட்டன. அன்று சனிக்கிழமை. பங்குச்சந்தை விடுமுறை. ஒரு வாரம் பொறுத்தவனுக்கு இரண்டு நாட்கள் நகருவது பெரும்பாடாய் இருந்தது. திங்கள் கிழமை சரியாய் சந்தை ஆரம்பிக்கும் நேரத்தில் கம்ப்யூட்டர் முன்னால்  இருந்தேன். கையேட்டில் உள்ளதைப் படித்துப் படித்து தேவையானவற்றை செய்து முடித்தேன். இப்போது மானிட்டரில் கலர் கலராய் எண்கள். அகர வரிசைப் படி பல நிறுவனங்களின் பெயர்களும் மாறிக்கொண்டிருக்கும் பங்கின் விலைகளும். எந்த நிறுவனத்தில் ட்ரேடிங் பண்ணலாம் என்பதில் கொஞ்சம் குழப்பம். எனது நியூமெராலஜி அறிவை உபயோகித்தால் என்ன என்று ஒரு யோசனை. எனது பெயர், அன்றைய தேதி, நிறுவனத்தின் பெயர் எல்லாவற்றுக்கும்        நியூமெராலஜி போட்டுப் பார்த்ததில் ஆந்திரா வங்கி(Andhra Bank) நல்ல நிறுவனம் என்று வந்தது. அக்கவுண்டில் 2000 ரூபாய் மட்டும் வைத்திருந்தேன். ஒரு ஷேர் 77 ரூபாய் என்று 25 ஷேர்கள் வாங்கினேன். வாங்கிய கொஞ்சம் நேரத்தில் விலை மேலே மேலே பறந்து 81க்குப் போனது. எல்லாவற்றையும் விற்று விட்டேன். மொத்தம் 100 ரூபாய் லாபம். 5 சதவிகிதம். உடனே இண்டர்காமில் சுதிரை அழைத்து "சார். இன்று ஷேர் ட்ரேடிங் எதுவும் செய்தீர்களா? என்று கேட்டேன். அவர் "ICICI" ஷேர் வாங்கி ஒரு சதவிகித லாபத்திற்கு விற்றுவிட்டதாக சொன்னார். நான் ஆந்திரா பாங்க் ஷேர்களில் 5 சதவிகிதம் சம்பாதித்ததை சொன்னேன். நான் நியூமெராலஜி உபயோகித்ததை அவருக்கு சொல்லக் கூடாது என்று முடிவு செய்து கொண்டேன். இதற்கு அடுத்த நாள் மீண்டும் நியூமெராலஜி பயன்படுத்தி டாட்டா ஸ்டீல் நிறுவனப் பங்குகளை வாங்கி சுமார் 2 மணி நேரத்தில் 6 சதவிகிதம் லாபத்திற்கு விற்றேன்.

ஒரு நாளைக்கு 5 முதல் 6 சதவிகிதம். ஒரு மாதத்தில் தொகை இரு மடங்காகிவிடும். உடனே கம்ப்யூட்டரில் ஒரு எக்செல் ஷீட் திறந்து கணக்குகள் போட்டேன். ஒரு வருடத்தில் எவ்வளவு , இரண்டு வருடத்தில் எவ்வளவு என்று பார்த்ததில் கண்ணைக் கட்டியது.தொகை கோடிகளில் வந்ததது. இது தெரியாமல் இத்தனை நாள் இருந்து விட்டோமே என்று என் மீதே கோபம் வந்ததது. ஆனால் இத்தனை வருடங்களாய் வர்த்தகம் செய்யும் சுதிர் குமார் எதனால் இன்னும் பெரிய அளவில் சம்பாதிக்கவில்லை என்ற கேள்வி வந்தது. அதற்கு காரணம் எனது நியூமெராலஜி அறிவும் முதலீட்டை சரியாக நிர்வாகம் செய்யும் திறமையும்தான் என்று என்னையே நான் பாராட்டிக்கொண்டேன். அடுத்த நாள் என் நியூமெராலஜி காலை வாரி விட்டு எல்லாம் 'புஷ்வாணம்' ஆகப் போகிறது என்று தெரியாமல் கற்பனையில் மிதந்தேன். வேலைக்குச் செல்லுபவர்களைப் பார்க்கும்போது "பாவம். பணம் சம்பாதிக்க வழி தெரியாமல் கஷ்டப்படுகிறார்களே என்று அநியாயத்திற்குப் பரிதாபப் பட்டேன். இரவு தூங்கும்போது ஒரு பெரிய நிதிநிறுவனத்தின் நிர்வாக இயக்குனராக நான் ஏர்கண்டிஷன் அறையில் இருப்பது போலவும், என்னுடைய பழைய "Boss"கள் எல்லாம் ரிஷப்ஷனில் கைகளில் பயோ-டாட்டாவுடன் வேலை கேட்டு வரிசையில் இருப்பது போலவும் எல்லாம் கனவுகள் வந்தன. கண்களில் கனவுகளுடன் ஒரு மிதப்பாக நான் எப்போதும் இருப்பது பார்த்து என் மனைவி"யாரவது பூசாரியிடம் மந்திரித்து தாயத்து கட்டிக்கொள்ளலாமா?" என்று பக்கத்து வீட்டு அக்காவிடம் யோசனை கேட்க ஆரம்பித்து விட்டாள். அதுவரை எனது இரண்டாவது மனைவி போல நான் நேசித்துவந்த எனது "மாருதி ஜென்" காரில் அலுவலகம் செல்லும்போது காரை யாருக்காவது கிடைத்த விலைக்கு விற்றுவிடவேண்டும் என்றும் அப்படியே சாயங்காலம் "Audi" ஷோ ரூம் போய் ஒரு பார்வை பார்த்துவிட்டு வரலாம் என்றும்  தோன்றியது. கொஞ்சம் ஓவராத்தான் போய்க்கிட்டு இருக்கோமோ என்று மனதில் தோன்றினாலும் எனது அறிவும், வீணாய்ப்போன நியூமெராலஜியும் நம்பிக்கை கொடுத்தன.

அன்று ஷேர் ட்ரேடிங் பண்ணுவதற்கான நிறுவனத்தை நியூமெராலஜி சொல்லியபடி தேர்வு செய்துமுடிக்கும் நேரத்தில் Sharekhan அலுவலகத்தின் கஸ்டமர் கேரிலிருந்து போன் வந்தது. நான் எனது பங்கு வர்த்தகத்திற்கு sharekaan நிறுவனத்தை தேர்வு செய்ததற்கு நன்றி கூறி விட்டு கூடுதல் தகவல் ஒன்றையும் கொடுத்தனர். என்னிடம் இருக்கும் தொகையை விட நான்கு முதல் ஐந்து மடங்கு வரை நான் வர்த்தகம் செய்யலாம் என்றும் என்னிடம் இருக்கும் பணத்தை மார்ஜின் மணியாகக் கட்டினால் போதும் என்றார்கள். இதனை எதற்கு சுதிர் குமார் என்னிடம் சொல்லாமல் விட்டார். நான் ரொம்ப சம்பாதித்துவிடக் கூடாது என்பதில் குறியாக இருக்கிறார் என்று நானாகவே முடிவு செய்து கொண்டேன். 2000 ரூபாய்க்கு 100 ரூபாய் லாபம் என்றால் அதையே மார்ஜின் மணியாகக் காட்டி ஐந்து மடங்குத் தொகைக்கு வர்த்தகம் செய்திருந்தால் 500 ரூபாய் லாபம். 25 சதவிகிதம். இப்படியும் அள்ளிக்கொடுக்கும் ஒரு பிசினஸ் இருக்கிறதா? எங்கேயோ ஆகாயத்தில் பறப்பது போல உணர்ந்தேன். அன்றும் ஆந்திரா பாங்க் பங்குகள் வாங்கலாம் என நியூமெராலஜி சொல்லி இருந்ததால் மார்ஜின் உபயோகித்து 10000 ரூபாய்க்கு சுமார் 120 பங்குகள் வாங்கினேன். இன்றைக்கு சூப்பர் பம்பர்தான் என்று முடிவு செய்துகொண்டு வேலையை செய்துகொண்டே கம்ப்யூட்டர் திரையையும் அவ்வப்போது பார்த்த வண்ணம் இருந்தேன். 80 ரூபாய்க்கு வாங்கிய பங்குகள் 79, 78 என குறைந்து கொண்டே வந்தன. ஒன்றும் புரியவில்லை. கடைசியாக 3 மணிக்கு மீண்டும் Sharekaan அலுவலகத்திலிருந்து போன் செய்து "சார். நீங்கள் மார்ஜின் மணி உபயோகித்து நிறைய பங்குகள் வாங்கிவிட்டதால் எல்லாவற்றையும் விற்றுவிடுங்கள்" என்று சொன்னார்கள். அப்போது விலையைப் பார்த்தபோது 73ல் இருந்தது. 7 ரூபாய் நஷ்டத்தில் 120 பங்குகள் என்று 840 ரூபாய் நஷ்டம். இரண்டு நாளில் வந்த லாபம் போய் மேலும் நஷ்டம். சுதிர் குமாருக்கு போன் செய்து விஷயத்தை கிட்டத்தட்ட அழுதுகொண்டே சொன்னேன். அவர் கூலாக "இன்று விலை குறைந்தால் என்ன? வைத்திருந்து நாளைக்கு விற்று இருக்கலாமே" என்றார். எனக்கு ஆச்சர்யம்.

"இன்று வாங்கிய பங்குகளை நாளைக்கு விற்க முடியுமா சார்? என்று கேட்டேன்.

"நாளைக்கு என்று இல்லை. எத்தனை நாட்கள், மாதங்கள் கழித்து கூட விற்கலாம்" என்றார்.

"அப்படியிருந்தால் எதற்கு Sharekhan ஆட்கள் விற்க சொல்லி அவசரப்படுத்தினார்கள்?"

"நீ Intraday Trading என்று சொல்லி மார்ஜின் மணி உபயோகித்து இருப்பாய். மார்ஜின் மணி வைத்து ட்ரேடிங் செய்யும்போது அன்று சாயங்காலத்திற்குள் விற்றாகவேண்டும் என்றார்.

எனக்கு இரண்டு விஷயங்களில் அவர் மீது கோபம் வந்தது.
1)ஷேர்களின் விலை எப்போதும் ஏறிக்கொண்டே இருக்காது. அவ்வப்போது இறங்கவும் செய்யும் என்று அவர் சொல்லாமல் விட்டது.
2)வாங்கிய ஷேர்களை அன்றே விற்க வேண்டிய அவசியம் இல்லை. வைத்திருந்து எத்தனை நாட்கள் கழித்தும் விற்கலாம் என்று சொல்லாமல் விட்டது.

பங்கு வர்த்தகத்தில் Intraday Trading என்றும் Positional அல்லது Delivery Based Trading என்றும் இரண்டு வகைகள் உள்ளன என்று அப்போதுதான் தெரிந்தது. Intraday எனப்படும் அன்றே வாங்கி அன்றே விற்கும் வர்த்தகத்தில் மார்ஜின் பணம் பயன்படுத்தி 4 அல்லது 5 மடங்கு அதிகமாக வர்த்தகம் செய்யலாம் என்றும் , அன்று மாலைக்குள் வாங்கியதை விற்று (நஷ்டமானாலும் கூட) சரிக்கட்டி விட வேண்டும் என்றும் தெரிந்தது. அதே Delivery Based ட்ரேடிங்கில் நம்மிடம் இருக்கும் பணத்திற்கு மட்டும் வர்த்தகம் செய்யலாம் என்றும் அதனை எத்தனை நாட்கள் வேண்டுமானாலும் வைத்திருந்து லாபம் வரும்போது விற்கலாம் என்றும் தெரிந்தது. அவர் சொன்ன இரண்டு விஷயங்கள் நான் சில முடிவுகள் எடுக்க காரணமாக இருந்தன. அதில் முக்கியமானது நியூமெராலஜியைத் தலை முழுகியது. இரண்டாவது அவசியமில்லாமல் பேராசைப்பட்டு மார்ஜின் பணம் உபயோகிக்கக் கூடாது என்பது.

அதன் பின்னர் பெரிய ஆசைகள் இல்லாமல் சில சமயம் Intraday , பல சமயங்களில் இன்று வாங்கி சில நாட்கள் வைத்திருந்து (Positional) லாபத்திற்கு விற்பது என்று கொஞ்சமாக செய்து வந்தேன். இந்நிலையில் எனது பங்குச்சந்தை ஈடுபாட்டில் பெரிய தாக்கத்தை ஏற்படுத்திய ஒருவரை சந்திக்க நேர்ந்தது. நான் வசித்து வந்த அபார்ட்மெண்டில் முதல் தளத்தில் அவரது இல்லம்.(Flat ). அவர் பங்கு வர்த்தகம் செய்து வந்ததோடு ஒரு பங்குத்தரகரிடம் துணைத் தரகராகவும் (Sub புரோக்கர்) இருந்தார். அவரிடம் நேரம் கிடைக்கும்போதெல்லாம் பேசுவேன். ஒரு நாள் பங்குச்சந்தை பெரிய அளவில் சரிந்தது. அன்று மாலையில் அவரைப் பார்த்தபோது கேட்டேன்.

"சார். இன்று  எவ்வளவு நஷ்டம்?"
"நஷ்டமா? இன்று இன்போசிஸ் நிறுவனப் பங்குகளில் பெரிய லாபம்." என்றார்.

எனக்குத் தெரிந்து அன்று இன்போசிஸ் விலை பெரிய அளவில் குறைந்திருந்தது. அப்புறம் எப்படி இந்த லாபம் என்று குழப்பம்.

"புரியவில்லையே சார். இன்று விலை ரொம்பவும் குறைந்துவிட்டதே"

"அதனால் என்ன? 100 ரூபாய்க்கு வாங்கி 105க்கு விற்றால் லாபம். அதே சமயம் 105க்கு விற்று 100க்கு மீண்டும் வாங்கினாலும் லாபம்தானே."

"லாபம்தான். ஆனால் அந்த நிறுவனப் பங்குகள் நம் கையில் இருக்க வேண்டுமே?"

"கையில் பங்குகள் இல்லாமலும் விற்கலாம். விற்றுவிட்டு அன்று மாலைக்குள் வாங்கி சரி செய்து விட வேண்டும். இதற்கு "Short Selling" என்று சொல்லுவார்கள்"

இது எனக்கு புதிய விஷயமாக இருந்தது.

"சார். எனக்குத் தெரிந்தது எல்லாம் இன்ட்ராடே ட்ரேடிங்கும் பொசிஷனல் ட்ரேடிங்க்கும்தான். இது புதியதாக இருக்கிறது." என்றேன்.

இதனை அடுத்து அவர் சொன்ன சில விஷயங்கள் பங்குச்சந்தையில் எனக்கு மேலும் ஆர்வத்தைக் கிளறியது இல்லாமல் நிறைய விஷயங்களைப் படித்துத் தெரிந்து கொள்ளவும் தூண்டியது. முக்கியமாக பங்குச்சந்தை வர்த்தகம் என்பது எல்லோரும் நினைப்பது போல சூதாட்டம் அல்ல. புரிந்துகொண்டு செய்யும்போது மிக மிக பாதுகாப்பான தொழில் என்ற தெளிவு பிறந்தது அப்போதுதான். அவர் சொன்னது இதுதான்.

"பணச்சந்தை என்பது ஒரு ரெஸ்டாரன்ட் மாதிரி.  ரெஸ்டாரன்ட் போனால் மெனு கார்ட் கொடுப்பார்கள். அரிசியில் பல ஐட்டங்கள் கோதுமையில் பல ஐட்டங்கள் என்று வரிசையாக இருக்கும். அதில் நமது டேஸ்ட்டுக்கு ஏற்ற, பர்சில் இருக்கும் பணத்திற்கு ஏற்ற  ஐட்டங்களை தேர்வு செய்து சாப்பிடலாம். அதே போலத்தான் இந்த பணச்சந்தையும். இதில் நீ சொல்லும் Intraday யும் Delivery Based ட்ரேடிங்கும் அரிசியும் கோதுமையும் போல.. இதிலேயே இன்னும் பல வெரைட்டிகள் உள்ளன. நமது மனநிலை, நேரம், நம்மிடம் இருக்கும் பணம் எல்லாவற்றையும் பொறுத்து நமக்கு ஏற்றவகையில் முதலீடோ வர்த்தகமோ செய்யலாம்" என்றார். இப்போதைக்கு Intraday  மற்றும் Positional Trading என்ற இரண்டை மட்டும் நினைவில் கொள்ளுங்கள். இதனை அடுத்து அவர் எடுத்துச் சொன்ன அத்தனை வகை ட்ரேடிங் முறைகளையும் (Dishes In The Menu Card )அடுத்த வாரம் தெளிவாகப் பார்க்கலாம்

 மேலும் பேசலாம்....

 Published by WebStory

Read More

முட்டாள்களின் தங்கம் - 3

சென்ற அத்தியாயத்தில் தங்கத்தின் விலை கடந்த நாற்பது ஆண்டுகளில் எப்படி உயர உயரப் பறந்து இன்று உச்சாணிக் கொம்பில் உட்கார்ந்திருக்கிறது என்பதைப் பார்த்தோம். அதைப் படிக்காமல் விட்டவர்களுக்காக மறுபடி இங்கே கொடுத்துள்ளோம்.

 

வருடம்       10கிராம் தங்கத்தின் விலை.(ரூபாயில்)

 

1970               200

 

1975               545

 

1980               1522

 

1985               2120

 

1990               3450

 

1995               4960

 

2000               4480

 

2005               9000

 

2010               19230

 

2012               28000 ஐயும் தாண்டி.    

.    

 

1970ல் பத்தாயிரம் ரூபாய்க்கு அரை கிலோ தங்கம் வாங்கியிருக்கலாம். இன்றைய தேதிக்கு அதன் மதிப்பு கிராமுக்கு 3000 ரூபாய் என்று வைத்துப் பார்க்கும் போது பதினைந்து லட்ச ரூபாய். இது கிட்டத்தட்ட 15000 சதவிகித வளர்ச்சி. ஆண்டு ஒன்றுக்கு சுமார் 375 சதவிகித வளர்ச்சி. நிலைமை இப்படி இருக்க வாரப் பப்பெட் போன்ற பங்குச் சந்தை பில்லியனர்களுக்கு தங்கத்தின் மீது அப்படி என்ன வெறுப்பு? அதுவும் தங்கத்தில் முதலீடு செய்வது முட்டாள்தனம் என்று பேசும் அளவுக்கு என்ன கோபம்?

 

ஒரு உதாரணத்துக்கு தங்கத்தையும் ஏதாவது ஒன்று அல்லது இரண்டு இந்திய நிறுவனப் பங்குகளையும் ஒப்பிட்டுப் பார்ப்போமா? முதலில் புகழ் பெற்ற மென்பொருள் உற்பத்தி நிறுவனமான " WIPRO" பங்குகளின் வளர்ச்சியைப் பார்க்கலாம். 1980ம் ஆண்டில் ஒரு விப்ரோ பங்கின் விலை 100 ரூபாய். ஒரு கிராம் தங்கத்தின் விலை 152 ரூபாய். பத்தாயிரம் ரூபாய் முதலீடு செய்வதாகக் கொள்வோம். நாம் புத்திசாலித் தனமாக தங்கத்தில் முதலீடு செய்கிறோம். பத்தாயிரம் ரூபாய்க்கு 66 கிராம் தங்கம் வாங்கி வீட்டுப் பெண்களுக்கு நகை வாங்கிப் போட்டு சந்தோசப் படுத்தி விட்டோம். பக்கத்து வீட்டுக்காரர் அதே பத்தாயிரம் ரூபாய்க்கு விப்ரோ பங்குகளை வாங்குகிறார். ஆம். ஒரு பங்கு 100 ரூபாய் என்ற விலையில் 100 பங்குகளை வாங்கி விட்டார். இன்றைய தேதிக்கு (28.01.2013) தங்கத்தின் விலை கிராமுக்கு 3000 ரூபாய். நாம் வாங்கி வைத்த தங்கத்தின் மதிப்பு சுமார் இரண்டு லட்சம். இதே தேதியில் விப்ரோ நிறுவனப் பங்கின் விலை எவ்வளவு தெரியுமா? 420 ரூபாய்.பக்கத்து வீட்டுக்காரரின் பத்தாயிரம் ரூபாய் முதலீடு 42000 ஆகியிருக்க வேண்டும். ஆனால் நிஜம் அதுவல்ல. அங்கேதான் இருக்கிறது பங்குச் சந்தையின் சூட்சுமங்கள்.

 

ஒரு சின்ன வித்தியாசம் என்னவென்றால் நீங்கள் அன்று வாங்கிய 66 கிராம் தங்கத்தின் மதிப்பு கூடியதே ஒழிய, வாங்கிய தங்கத்தின் அளவு கூடவில்லை. இன்றும் உங்களிடம் இருப்பது அதே 66 கிராம் தங்கம்தான். ஆனால் பங்குகள் அப்படி இல்லை. குட்டி போடும். அப்புறம் அந்த குட்டிகள் குட்டி போடும். இப்படி குட்டி மேல் குட்டி போட்டு வாங்கிய 100 பங்குகள் எண்ணிக்கையில் பல மடங்காகப் பெருக வாய்ப்புகள் உள்ளன. இதனை பங்குச் சந்தையில் போனஸ் பங்குகள் என்பார்கள். நம் ஊரில் ஒரு சட்டை வாங்கினால் ஒரு சட்டை இலவசம் என்கிறார்களே. கிட்டத்தட்ட அது போலத்தான். நன்றாக லாபம் ஈட்டும் நிறுவனங்கள் உங்களிடம் உள்ள பங்குகளுக்கு போனசாக பங்குகள் தருவார்கள். இது ஒன்றுக்கு ஒன்று என்ற விகிதத்தில் இருக்கலாம். சில சமயம் ஒன்றுக்கு பத்து என்ற ரீதியிலும் (பம்பர்) இருக்கலாம். அது நிறுவனத்தின் லாபத்தைப் பொறுத்தது. இது மட்டும் இல்லாமல் பங்குகள் வேறு ஒரு வழியிலும் குட்டி போடும். ஒவ்வொரு பங்கிற்கும் முகமதிப்பு (Face Value ) என்று ஒன்று இருக்கும்.இது பொதுவாக ஆரம்பத்தில் அனைத்து நிறுவனங்களுக்கும் பத்து ரூபாய் என்று இருக்கும். சில சமயங்களில் நிறுவனங்கள் இந்த முகமதிப்பை " Split " என்ற முறையில் குறைப்பார்கள். உதாரணத்திற்கு ஒரு பத்து ரூபாய் பங்கை இரண்டு ஐந்து ரூபாய் பங்குகளாக பிரிப்பார்கள். அப்போது உங்களிடம் உள்ள ஒரு பத்து ருபாய் பங்கு இரண்டு ஐந்து ருபாய் பங்குகளாக மாறும். பங்கின் விலையும் சரி பாதியாகக் குறைந்து பின்னர் மீண்டு உயரத் துவங்கும். பங்கின் விலை என்பதும் முகமதிப்பு என்பதும் வெவ்வேறு என்பதை மனதில் வைத்துக் கொள்ளுங்கள். உங்களிடம் உள்ள 100 ரூபாய் மதிப்புள்ள 100 விப்ரோ பங்குகள் 50 ரூபாய் மதிப்புள்ள 200 பங்குகளாக மாறும். பின்னர் பங்கின் விலை மறுபடியும் 50ல் இருந்து உயரத் தொடங்கும். இது போன்று விப்ரோ நிறுவனப் பங்குகள் போட்ட குட்டிகளையும் இன்றைய தேதிக்கு பக்கத்து வீட்டுக்காரரிடம் உள்ள பங்குகளின் எண்ணிக்கையையும் அதன் மதிப்பையும் பார்க்கலாமா?

1981 , 1:1 Bonus  = 200 shares

 

1985, 1:1 Bonus  = 400 shares

 

1986  split to  Rs 10  = 4000 shares

 

1987, 1 :1 Bonus  = 8000

 

1989, 1:1 Bonus  = 16000

 

1992 , 1:1 Bonus  = 32000

 

1995 , 1:1 Bonus  = 64000

 

1997 , 2:1 Bonus  = 1,92,000

 

1999 Split to Rs 2  = 9,60,000

 

2004 2:1 Bonus  = 28,80,000

 

2005 1:1 Bonus  = 57,60,000

 

2010 3:2 Bonus  = 96,00,000

 

இன்றைய தேதிக்கு உங்கள் பக்கத்துக்கு வீட்டுக்காரரிடம் 96 லட்சம் பங்குகள் இருக்கும். ஆம். அவர் வாங்கிய 100 பங்குகள் குட்டி மேல் குட்டி போட்டு 96 லட்சமாக எண்ணிக்கையில் பெருகிவிட்டன. இப்போது அந்த பங்குகளின் மதிப்பை கணக்கிட்டு பாருங்கள். விப்ரோ நிறுவனப் பங்கின் தற்போதைய விலை (2013' ஜனவரி நிலவரப்படி) 420 ரூபாய். அப்படியென்றால் அவரிடம் உள்ள பங்குகளின் மதிப்பு 403 கோடியே 20 லட்சம். கண்ணைக் கட்டுகிறதா? ஆனால் இது உண்மை. பத்தாயிரம் ரூபாய்தான் சுமார் முப்பதே ஆண்டுகளில் இத்தனை கோடிகளாகப் பெருகியிருக்கின்றன.

 

இது போலவே மற்றொரு மென்பொருள் உற்பத்தி நிறுவனமான இன்போசிஸ் நிறுவனப் பங்குகளின் செய்த முதலீட்டின் வளர்ச்சி பற்றி அறிந்திருப்பீர்கள். 1992ல் பத்தாயிரம் ரூபாய்க்கு வாங்கிய இன்போசிஸ் பங்குகளின் மதிப்பு இன்றைய தேதிக்கு சுமார் 1.5 கோடி. சொல்லப் போனால் இன்போசிஸ் நிறுவனர் திரு.நாராயண மூர்த்தியின் கார் டிரைவர் கூட தான் செய்த சின்ன முதலீட்டினால் இன்று ஒரு கோடீஸ்வரர் என்று பலர் சொல்லக் கேள்விப் பட்டிருப்பீர்கள். இதற்கும் காரணம் இன்போசிஸ் பங்குகளின் இனப்பெருக்கம் தான். இன்போசிஸ் நிறுவனம் எப்போதெல்லாம் போனஸ் மூலமாகவும், ஸ்ப்ளிட் மூலமாகவும் குட்டிகள் போட்டன என்று பாருங்கள்

1994  -  1:1 (100க்கு 100. ஆக மொத்தம் 200)
1997  -  1:1 (200 க்கு 200. ஆக மொத்தம் 400)
1999  -  1:1 (400க்கு 400. ஆக மொத்தம் 800)
1999  - ஸ்ப்ளிட் முறையில் 10 ரூபாய் முகமதிப்பு பங்குகள் 5 ரூபாய்க்கு ( 800 க்கு 800. மொத்தம் 1600)
2004  -   3:1 (1600க்கு 533. மொத்தம் 2133)
2006  -   1:1 (2133க்கு 2133. மொத்தம் 4266)
 

 

1992ல் 9500 ரூபாய்க்கு வாங்கிய 100 பங்குகள்தான் குட்டி மேல் குட்டி போட்டு 4266 பங்குகளாகப் பெருகி மொத்த மதிப்பை பன்மடங்காக்கியது. அதே போல Ranbaxy  நிறுவனத்தின் பங்குகளில் 1980ல் வெறும் ஆயிரம் ரூபாய் முதலீடு செய்திருந்தால் இன்றைக்கு அது 2 கோடி ரூபாயாகப் பெருகியிருக்கும். அதையெல்லாம் விடுங்கள். 2004ல் யூனிடெக் நிறுவனத்தில் நாற்பதாயிரம் முதலீடு செய்திருந்தால் மூன்றே ஆண்டுகளில் அதாவது 2007ல் அது 1.1 கோடி ரூபாயாகப் பெருகியிருக்கும். இதெல்லாம் நம்ப முடியாத வளர்ச்சியாகத் தோன்றினாலும் உண்மை இதுதான். (ஆதாரம்: www.moneycontrol.com).

 

இதையெல்லாம் பார்க்கும்போது திரு.சுஜாதா அவர்கள் தனது  ஏன்? எதற்கு? எப்படி? என்ற கேள்வி பதில் தொகுப்பில் குறிப்பிட்டது நினைவுக்கு வருகிறது. சென்ற இருநூறு ஆண்டுகளில் தங்கத்தின் விலை அதிகமாயிருப்பதை பணவீக்கத்துடன் ஒப்பிட்டால், 1801ல் ஒரு ரூபாய் மதிப்புள்ள தங்கத்தின் இன்றைய நிஜ மதிப்பு 99 காசுகள். அதே ஒரு ரூபாயை பங்குகளில் முதலீடு செய்திருந்தால் ஆறு லட்சமாகியிருக்கும் பாண்டுகளில் (Bonds ) போட்டிருந்தால் ஆயிரம் ரூபாய் ஆகியிருக்கும். இதனாலேயே தப்பான எதிர்பார்ப்போடு செய்யப்படும் காரியங்களை " Fool's Gold " என்று கிண்டல் செய்யும் அளவுக்குப் போய்விட்டது.

 

எல்லா நிறுவனங்களின் பங்குகளும் இப்படி அள்ளிக் கொடுத்து விடுமா என்றால் அதுதான் இல்லை. பங்குச்சந்தை குரு வாரென் பப்பெட் சொன்னது போல " If a business does well, the stock eventually follows " என்பதுதான் உண்மை. ஆனால் எந்த நிறுவனம் நன்றாக செயல்படுகிறது என்பதைக் கண்டுபிடிப்பதில்தான்  அடங்கியுள்ளது பங்குச்சந்தையில் நமது வெற்றி.அதைத்தான் இந்த தொடர் முழுவதும் பேசப் போகிறோம். எது எப்படியோ வாரன் பப்பெட் சொன்னது போல தங்கத்தில் முதலீடு செய்பவர்கள் முட்டாள்கள் என்று ஒப்புக்கொள்ளாவிட்டாலும் பெரிய புத்திசாலிகள் இல்லை என்பதனை ஒப்புக்கொள்ளத்தான் வேண்டும் போல்  இருக்கிறது.

 Published by WebStory

Read More

5000த்திலிருந்து 5000 கோடி வரை ; பங்குச்சந்தை - 2

ராகேஷின் உடன் பிறந்த அண்ணனும் 'சார்ட்டர்டு அக்கவுண்டன்ட்'தான். CA படிப்பை முடித்து விட்டு ஒரு நிறுவனத்தில் வேலை செய்து கொண்டே சுயமாகவும் ஒரு கன்சல்டன்சி நிறுவனம் நடத்தி வந்தார். ராகேஷ் ஓய்வு நேரம் கிடைக்கும் போதெல்லாம் தனது அண்ணனின் அலுவலகத்திற்குச் சென்று அங்கே வரும் வாடிக்கையாளர்களிடம் பேசிக் கொண்டிருப்பது வழக்கம். அப்படி வரும் வாடிக்கையாளர்களில் ஒரு 40 வயதைத் தாண்டிய பெண்மணி பரிச்சயமானார் . ஒரு நாள் ராகேஷின் பங்கு வர்த்தகம் குறித்து பேச்சு வந்தது.  

 

"C.A  முடித்திருக்கிறீர்கள். வேலைக்கு எங்கும் செல்லவில்லையா?"

 

"எனக்கு வேலைக்குப் போவதில் பெரிய  விருப்பம் இல்லை. அதனால் சுயமாக ஷேர் ட்ரேடிங் செய்து கொண்டிருக்கிறேன்."

 

"'ஷேர் ட்ரேடிங்' மிகவும் ஆபத்தானது என்று சொல்கிறார்களே?"

 

"அப்படி இல்லை. விஷயம் தெரிந்து கொண்டு செய்தால் இது மிகவும் பாதுகாப்பான தொழில்"

 

"நிறைய வருமானம் வருகிறதா?"

 

"நிறைய லாபம் வருகிறது. நிறைய வருமானம் என்று சொல்வதற்கில்லை. காரணம் முதலீடு மிகவும் சிறிய தொகை."

 

அந்தப்  பெண்மணி  ராகேஷிடம் ஏதோ ஒரு திறமை ஒளிந்து கொண்டு இருப்பதாக நினைத்தார்.  அவர்  நிச்சயமாக சாதிப்பார் என்று என்னமோ ஒரு நம்பிக்கை.
 

"நான்  முதலீடு  செய்வதாக இருந்தால் என்ன மாதிரியான லாபம் எதிர்பார்க்கலாம்?"
 

 

"நீங்கள்  என்ன மாதிரியான லாபம் எதிர்பார்கிறீர்கள்?"

 

"இப்போது வங்கியில் நான் செய்துள்ள  'பிக்சட் டெபாசிட்' மூலமாக வருடத்திற்கு 9 சதவிகிதம் வட்டி வருகிறது."
 

 

"நான் உங்களது முதலீட்டிற்கு வருடத்திற்கு 18 சதவிகித வட்டி தருகிறேன்."

 

அந்த பெண்மணியின் முதலீட்டிற்கு வங்கியில் கிடைத்துக் கொண்டிருந்ததைக்  காட்டிலும்  இரு மடங்கு வருமானம் கிடைக்க உத்தரவாதம் தருவதாக ராகேஷ் கூறியது அந்த பெண்மணியை யோசிக்க வைத்தது. என்ன தான் இருந்தாலும் வங்கி முதலீடு பாதுகாப்பானது. இந்த இளைஞனை எந்த அளவுக்கு நம்ப முடியும் என்று அந்த பெண்மணி ஒரு கணம் தயங்கினார் .

 

"18 சதவிகித வட்டி என்பது சரி. நான் இரண்டரை லட்சம் ரூபாய் முதலீடு செய்கிறேன். எனது பணத்திற்கு நீங்கள் என்ன மாதிரியான கியாரண்டி கொடுக்க முடியும்?."

 

ராகேஷிடம் கியாரண்டி கொடுப்பதற்கு பெரிய சொத்துகள்  எதுவும் அப்போது இல்லை. இருந்திருந்தால் அவர் முதலீட்டிற்கு அடுத்தவர்களிடம் எதிர்பார்க்க வேண்டிய அவசியம் என்ன?

 

"கியாரண்டி கொடுக்க என்னிடம் சொத்துகள் எதுவும் இல்லை. எனது தன்னம்பிக்கையும், பங்குச் சந்தை அறிவும் தான் எனது சொத்துகள். உங்களுக்கு என் மீது நம்பிக்கை இருந்தால் முதலீடு செய்யுங்கள்."
 

 

"சொத்து என்று எதுவும் வேண்டாம். நான் தரும் தொகைக்கு கியாரண்டியாக ஒரு 'செக்' மட்டுமாவது கொடுக்க முடியுமா?"

 

ராகேஷிற்கு இந்த 'டீல்' நல்லதாகப் பட்டது.

 

"சரி. பத்து நாள் 'டயம்' கொடுங்கள். நான் செக் கொடுத்துவிட்டு பணத்தை வாங்கிக் கொள்கிறேன்."

 

இப்படி ராகேஷிற்கு அவர் எதிபார்த்ததை விட அதிகமாகவே முதலீட்டுப் பணம் கிடைத்து விட்டது. அடுத்து நமது பங்குச் சந்தை அறிவை உபயோகிக்க வேண்டும். சரியான பங்கைத் தேர்ந்தெடுத்து இந்த பணத்தை முதலீடு செய்ய வேண்டும். பல நிறுவனங்களின் சரித்திர பூகோளத்தை ஆராய்ந்தார். அப்படி ஆராய்ந்ததில் "Tata Tea" நிறுவனத்தின் பங்குகள் பழுக்கத் தயாராக உள்ள  'க்ரீன் ஆப்பிள்' என்பது தெரிந்தது. இன்னும் கூட கொஞ்சம் அந்தப் பங்கின் சாதக பாதகங்களை ஆராய்ந்தார்.  சரியான விலையில் சரியான பங்கு என்பது 100 சதவிகிதம் உறுதியானது. கொஞ்சமும் யோசிக்காமல் 43 ரூபாய்க்கு 5000 'Tata Tea' பங்குகளை வாங்கி விட்டார். அலசி ஆராய்ந்து வாங்கிய பங்குகள் என்பதால் அதன் பின் வந்த சின்னச் சின்ன விலை ஏற்ற இறக்கங்கள் குறித்து கவலைப் படாமல் பொறுமையாக இருந்தார். சரியாக மூன்றே மாதங்கள். 'Tata Tea' பங்குகளின் விலை மெல்ல மெல்ல உயர்ந்து 143ஐத் தொட்டது. ஆம். ஒரு பங்கிற்கு 100 ரூபாய் லாபம். தன்னிடம் இருந்த அத்தனை பங்குகளையும் விற்று விட்டார். இதில் அவர் சம்பாதித்தது ஐந்து  லட்சம் ரூபாய்.

 

இந்த சமயத்தில் வேறு ஒரு நபரும் முதலீடு  செய்ய விருப்பம் தெரிவித்தார். ஆனால் தான் செய்யும் ஐந்து லட்ச ரூபாய் முதலீட்டிற்கு இந்த நபர் எதிர்பார்த்தது  வருடத்திற்கு 24 சதவிகித வட்டி. ராகேஷ் சரியென்று ஒத்துக் கொண்டார். அந்த பணமும் முதலீடு செய்யப்பட்டது. அதன் பின்னர்  'Tata Power'  மற்றும்  'Karur Vaishya Bank ' போன்ற நிறுவனங்களில் அவர் சரியான நேரத்தில் செய்த முதலீடுகள் அவருக்கு மேலும் மேலும் லாபங்களை அள்ளிக் கொடுத்தன. கிட்டத்தட்ட மூன்றே ஆண்டுகளில் சுமார்  25 லட்சம் ரூபாய் வரை சம்பாதித்து இருந்தார். தன்னிடம் முதலீடு செய்தவர்களுக்கான பணத்தினை வட்டியோடு திரும்பக் கொடுத்தார்.

இப்போது அவரிடம் தேவையான அளவு பணம் இருந்தது. ஆனாலும் 'பங்குத் தரகம் வேண்டாம் . நல்ல முறையில் ஷேர் ட்ரேடிங் செய்தால் போதும்' என்ற முடிவுக்கு  வந்தார். மீண்டும் சரியான பங்கிற்கான தேடுதலில் இறங்கினார்.அப்போது அவரது நண்பர் ஒருவர் 'ஷேசகோவா ' என்ற ஒரு இரும்புத் தாது மைனிங் செய்யும் நிறுவனத்தைப் பற்றி கூறினார். மீண்டும் ஆராய்ச்சி. ஆம். அந்த நிறுவனங்களின் சுரங்கங்களில் இரும்புத் தாது மட்டும் இல்லாமல் முதலீட்டாளர்களுக்கு பெரிய புதையலும் இருப்பது சந்தேகமின்றி தெரிந்தது.

உடனே அந்த நிறுவனத்தின் நான்கு லட்சம் ஷேர்களை 'பார்வார்டு ட்ரேடிங்' (Forward Trading என்பது சின்ன தொகையை மட்டும் மார்ஜின் பணமாகக் கட்டி பெரிய தொகைக்கு பங்குகள் வாங்குவது. இதனைப் பின்னால் விவரமாகப் பார்க்கலாம்) முறைப்படி வாங்கினார். பங்கின் விலை சராசரியாக 40 ரூபாய். பழம் பழுப்பதற்காக காத்துக் கொண்டிருந்தார். சமயம் வந்தது. சுமார் இரண்டரை லட்சம் பங்குகளை 63 ரூபாய்க்கு விற்றார். பங்கு விலை மேலும் ஏறியது. ஒரு லட்சம் பங்குகளை 160 ரூபாய்க்கு விற்றார். பங்குகளின் விலை பறந்து பறந்து உச்சாணிக் கொம்பிற்குப் போய் உட்கார்ந்தது. தன்னிடம் மிச்சம் இருந்த 50000 பங்குகளை 2200 ரூபாய்க்கு (எழுத்துப் பிழை இல்லை.இரண்டாயிரத்து இருநூறுக்குதான்). இந்த சேசகோவா பங்குகளில் அவர் சம்பாதித்ததை நீங்களே கணக்கு போட்டுக் கொள்ளுங்கள்.

 

மேலும் மேலும் பணம் சேர்ந்தவுடன் அவரது எல்லைகள் மேலும் விரிந்தன. தனது பெயரான ராகேஷ், மனைவி பெயரான ரேகா, இரண்டிலும் முதல் இரண்டு ஆங்கில எழுத்துகளைக் கொண்டு Rare Enterprises என்னும்  முதலீட்டு நிறுவனத்தைத் துவக்கினார். ஆனாலும் அவருக்கு அடுத்தவர்களின் முதலீட்டை வைத்துக் கொண்டு பங்குச் சந்தையில் விளையாடுவதற்கு பயமாகவே  இருந்தது. எதற்கு வீண் தலைவலி என்று நினைத்தாரோ என்னமோ, இன்று வரை 'Rare  Enterprises' நிறுவனத்தில் இருவரை மட்டுமே வாடிக்கையாளர்களாக வைத்துள்ளார். ஒருவர் 'திரு.ராகேஷ் ஜுஞ்சன்வலா ', மற்றவர்  திருமதி.ரேகா ஜுஞ்சன்வாலா.

 

 சரியான நிறுவனங்களின் பங்குகளை சரியான நேரங்களில்,சரியான விலைக்கு வாங்குவதுதான் இவரது பலம். பொதுவாக பங்குச் சந்தையில் முதலீடு செய்பவர்கள் பாதுகாப்பு கருதி 'Blue Chip' எனப்படும் வளர்ந்த நிறுவனங்களில் தான் முதலீடு செய்வார்கள். இவரது முதலீட்டுத் தத்துவம் சற்று வேறுபட்டது. 'Blue Chip' நிறுவனம் என்பது பழுத்த பழம். அதன் பங்கு  விலை அதிகமாக இருக்கும். அதன் விலை மேலும் உயருவதற்கான வாய்ப்புகள் குறைவு. ஆனால் வளரும் நிறுவனங்களில் சீக்கிரம் கனியும் என்ற நிலையில் உள்ள காய் எது என்பதை சரியாகக் கண்டுபிடித்தால் பங்குகள் குறைவான விலைக்கு கிடைக்கும், வாங்கும் பங்குகளின் விலைகள் உயர வாய்ப்புகள் அதிகம் என்பது அவரது கொள்கை. அவரது அனுபவங்களும், பங்குச் சந்தை அறிவும்  அவரது அனுமானங்களைப் பெரும்பாலும் உண்மையாக்கின.  அவர் முதலீடு செய்த வளரும் நிறுவனங்கள் சீக்கிரமாகவே 'Blue Chip' நிறுவனத்திற்கான தகுதிகளைப் பெற்றன.

 

இப்படி அவர் கண்டுபிடித்து முதலீடு செய்த பல நிறுவனங்களில் இன்று பொறுப்பான கௌரவப் பதவிகளிலும் உள்ளார். உதாரணத்திற்கு சில மட்டும். Aptech Limited நிறுவனத்தின் சேர்மனாகவும், Prime Focus Limited, Geojit BNP Paribas Financial Services Limited, Bilcare Limited, Praj Industries Limited, Provogue India Limited போன்ற நிறுவனங்களில் இயக்குனர் பதவிகளிலும் உள்ளார். 5000 ரூபாயில் தொடங்கி இன்று 5000 கோடியைத் தொட்ட ராகேஷின் சாதனை மேம்போக்காகப் பார்த்தால் "இது ச்சும்மா.. அதிர்ஷ்டம்"  என்பது போல் தோன்றினாலும் உண்மை அதுவல்ல. அவரது முதலீடுகள் குருட்டாம் போக்கானவை அல்ல. முதலீடு செய்வதற்கு முன் அந்த நிறுவனத்தின் ஆதார பலம் எப்படி (Fundamentals),  பங்கு விலைகளின்  'சார்ட்'  (Chart) தெரிவிப்பது என்ன?  போன்றவற்றை முழுமையாக ஆராய்கிறார். இதற்காக அவர் செலவு செய்யும் நேரம் ஒரு நாளைக்கு சுமார் 16 மணி நேரம். எத்தனையோ கோடிகள் சம்பாதித்த பின்னும் இந்த உழைப்பு தொடர்கிறது. ஆனாலும் இந்த உழைப்பு அவருக்கு கொஞ்சமும் களைப்பைத் தருவதில்லை. காரணம் பங்குச் சந்தை முதலீடு என்பது அவருக்கு தொழில் மட்டும் அல்ல. அவரது காதல். இதனை அவரது வார்த்தைகளிலேயே சொல்லுவதானால் ,

 

"Investing is not my profession. It is my passion. Investing is the most interesting thing for me in this world."

 

இந்தியப் பங்குச் சந்தைகளில் சாதித்த "திரு.ராகேஷ் ஜுஞ்சன்வாலா"  வை "இந்தியாவின் வாரென் பப்பெட்" என்று எல்லோரும் அழைக்கின்றனர். இந்த வாரென் பப்பெட் யாரென்பது பலருக்குத் தெரிந்திருக்கும். தெரியாதவர்களுக்காக அவரைப் பற்றி சில குறிப்புகள்.

இவர் "ராகேஷ் ஜுஞ்சன்வாலா" போன்றவர்களுக்கு எல்லாம் மானசீக குரு. அமெரிக்க பங்குச் சந்தைகளில் கலக்கியவர்.  2008ஆம் ஆண்டில் பில் கேட்சை ஓரம் கட்டி உலகின் முதல் பணக்காரராகப் பட்டியலிடப்பட்டவர். "பங்குச்சந்தை என்றாலே கிட்டத்தட்ட சூதாட்டகளம், எவ்வளவு பணம் போட்டாலும் விழுங்கிவிடும் புதைகுழி" என்றுதான் நம்மில் பல பேர் கருதுகிறோம். நம்மைப் பொறுத்தவரை பாதுகாப்பான முதலீடு என்பது பிக்சட் டெபாசிட்டுகள், நிலம், வீடு அல்லது தங்கம். அதிலும் சமீப காலமாக 'பற பற'வென பறந்து எங்கேயோ உச்சத்திற்குப் போய்க் கொண்டிருக்கும் தங்கத்தின் விலை, சில ஆண்டுகளுக்கு முன் தங்கம் வாங்காதவர்களை  "ச்சே! மிஸ் பண்ணிட்டோமே" என்று சலித்துக்கொள்ள வைத்திருக்கிறது.

 

ஆனால் இந்தப் பங்குச்சந்தை பில்லியனர் வாரென் பப்பெட்டுக்கு தங்கத்தின் மீது மட்டும் அப்படி என்ன வெறுப்போ தெரியவில்லை. தங்கத்தில் முதலீடு செய்வதே வேஸ்ட் என்பது அவரது கருத்து. முட்டாள்கள்தான்  தங்கத்தில் முதலீடு செய்வார்கள் என்ற ரீதியில் இருக்கும் அவரது பேச்சு. அவரை விடுங்கள் . கடந்த நாற்பது வருடங்களில் தங்கத்தின் விலை எப்படி ஏறி இருக்கிறது என்பதற்கான ஒரு சின்ன சாம்பிள் பாருங்கள். பார்த்து வையுங்கள் ம்.அடுத்த வாரம் பேசலாம்

வருடம்           10கிராம் தங்கத்தின் விலை .(ரூபாயில்)

1970                     200

1975                     545

1980                   1522

1985                   2120

1990                   3450

1995                   4960

2000                   4480

2005                   9000

2010                 19230

2012                 28000    ஐயும் தாண்டி.    

 Published by WebStory

Read More

பங்குச்சந்தை பைத்தியம் - 1

"அப்பா! இந்த நிறுவனப் பங்கின் விலை எதனால் இப்படி ஒரே நாளில் 8 சதவிகிதம் குறைந்து போனது?"

 

அன்றைய தினசரிப் பத்திரிகையின் பங்குச் சந்தைப் பக்கங்களில் மூழ்கியிருந்த அந்த 'அப்பா' நிமிர்ந்து கேள்வி கேட்ட மகனைப் பார்த்தார். இது போன்ற கேள்விகள் அவருக்கு ஒன்றும் புதியனவல்ல. தினமும் இப்படி மகன் ஏதாவது கேள்விகள் எழுப்புவதும் அதற்கு அவர் பொறுமையாக பதில் சொல்வதும் தினசரி வாடிக்கையான ஒன்றுதான். கேள்வி கேட்ட மகனை அருகே வரும்படி அழைத்தார். அவனது தலையை மெதுவாகக் கோதியவாறே " எல்லாக் கேள்விகளுக்கும் நானே பதில் சொல்ல வேண்டும் என்று எதிர்பார்ப்பதை விட, நீயாகவே தெரிந்து கொள்ள முயற்சி செய்யேன்" என்றார். இது நடந்தது 1975ஆம் ஆண்டு மும்பையில் (அன்றைய பம்பாயில்). அப்போது அந்த சிறுவனின் வயது 15. அவனது சக வயது நண்பர்களை மொஹிந்தர் அமர்நாத் மற்றும் சுனில் கவாஸ்கரின் கிரிக்கெட் ஸ்கோர் எண்கள் கவர்ந்து இழுத்துக் கொண்டிருந்த போது ,இந்த சிறுவனை ஈர்த்தது என்னமோ ஒரு நிறுவனத்தின் 'பேலன்ஷ் சீட்' எண்கள் .

 

அவனது தந்தை இந்திய வருமான வரித்துறையின் ஒரு கடமை தவறாத அதிகாரி. அத்துடன் பங்குச் சந்தையிலும் சிறிய அளவில் முதலீடு செய்து கொண்டிருந்தார். தனது மகன் பங்குச் சந்தை குறித்து கேள்விகள் எழுப்பும் போதெல்லாம் மற்ற அப்பாக்களைப் போல காதைத் திருகி "அல்ஜீப்ரா படி" என்று அதட்டாமல் பொறுமையாக எல்லாக் கேள்விகளுக்கும் பதில் சொல்வதை வழக்கமாக வைத்திருந்தார். சில சமயம் அவன் கேட்கும் கேள்விகள் அவனது அப்பாவுக்கும் விடை தெரியாத அறிவுபூர்வமான கேள்விகளாயிருக்கும். அப்போதெல்லாம் "நீயாகவே தெரிந்து கொள்ளேன்" போன்ற பதில்களைச் சொல்லி சமாளித்து விடுவார். அவருக்கு நன்றாகத் தெரியும்.தனது மகன் எங்கேயாவது தேடி, அலசி ஆராய்ந்து தனது கேள்விக்கான விடையைத் தானே கண்டுபிடித்துக் விடுவான் என்பது.

 

இப்படிச் சின்ன வயது முதலே பங்குச் சந்தையின் மீது பைத்தியமாகத் திரிந்த அந்த சிறுவன் கிட்டத்தட்ட 30 வருடங்களுக்குப் பின்னர் 2007ஆம் ஆண்டில் இந்தியாவின் 51ஆவது பணக்காரராகவும் உலகின் 1062ஆவது பணக்காரராகவும் 5000 கோடி ரூபாய் சொத்துகளுக்கு அதிபதியாகவும் "forbes " பத்திரிக்கையால் பட்டியலிடப்பட்டான்.

 

அந்த சிறுவனின் பெயர் "ராகேஷ் ஜுஞ்சன்வாலா ".

 

எண்களுடனான அவரது காதல் அவரது கல்லூரி வாழ்க்கையிலும் தொடர்ந்தது. ஆம். அவர் படித்தது மும்பையின் புகழ் வாய்ந்த சைடன்ஹாம் (Sydenhamm) கல்லூரியில் "Chartered Accountancy ". கல்லூரிப் படிப்பை வெற்றிகரமாக முடித்தபோது, வாழ்வில் எல்லோரும் எதிர்கொள்ளும் முக்கியமான கேள்வி இவருக்கு முன்னே விஸ்வரூபமெடுத்து நின்றது. "அடுத்து என்ன செய்வது?" என்று தீர்மானிக்க வேண்டிய வாழ்வின் மிக முக்கிய தருணம். எண்பதுகளில் Chartered Accountancy படித்தவர்களைக் கொத்திக் கொண்டு போக எத்தனையோ உள்நாட்டு , வெளிநாட்டு நிறுவனங்கள் தயாராக இருந்த காலகட்டம். இவரது கதவையும் பல வாய்ப்புகள் தட்டத்தான் செய்தன. இவருக்கு காதல் இருந்தது என்னமோ பங்குச் சந்தையின் மீதுதான். காதல் ஓரிடம், கல்யாணம் ஓரிடம் என்பதை அவரது உள்மனம் என்னமோ ஒத்துக் கொள்ளவில்லை. தனது வாழ்வின் போக்கை நிர்மாணிக்கக் கூடிய மிக முக்கிய முடிவை அவர் எடுத்தார்.

ஆம். பங்குச் சந்தைதான் தன் வாழ்க்கை என்று உறுதியாகத் தீர்மானித்தார். தனது முடிவைத் தந்தையிடமும் தெரிவித்தார்.

 

"கல்லூரிப் படிப்பு முடிந்தது. அடுத்து என்ன செய்வதாக உத்தேசம்?"

 

"அப்பா . பங்கு வர்த்தகத்தை முழு நேரத் தொழிலாக செய்யலாம் என்றிருக்கிறேன். ஒரு நல்ல பங்குத் தரகராக வரவேண்டும் என்பதே என் விருப்பம்".

கண்ணெதிரே சார்ட்டர்டு அக்கவுண்டன்சி படித்தவர்களுக்கான 'கார்ப்பரேட்' (Corporate) சொகுசு வாழக்கை ரத்தினக் கம்பளம் விரித்துக் காத்திருக்கும்போது, தனது மகன் எடுத்த இந்த முடிவு அந்த தந்தைக்கு கொஞ்சம் கூட ஆச்சர்யம் அளிக்கவில்லை. கிட்டத்தட்ட இது அவர் எதிர் பார்த்த ஒன்றுதான். மகனைப் பக்கத்தில் அழைத்து, " உனக்கு எந்தத் துறையில் விருப்பமோ, அந்தத் துறையை முழு ஈடுபாட்டுடன் ஏற்றுக்கொள். அதில் பலருக்கும் தெரியாத விஷயங்களைக் கற்று தெரிந்து கொள். பின்னர் அந்தத் துறையில் மிகச் சிறந்த நிபுணன் ஆகு. வெற்றி பெற வாழ்த்துகள்" என்று வாழ்த்தினார். கிட்டத்தட்ட நண்பன் பட 'பஞ்சவன் பாரிவேந்தன்' பாணியில் அவர் சொன்ன இந்த ஒரு அறிவுரை மட்டும் அல்ல,பல சமயங்களில் தனக்கு கிடைத்த தந்தையின் அறிவுரைகளும் ஊக்குவிப்புமே தனது பங்குச் சந்தை வெற்றிக்குக் காரணங்கள் என்று பின்னாளில் பல நேர்காணல்களில் "திரு.ராகேஷ் ஜூஞ்சன்வாலா" வெளிப்படையாகக் கூறியிருக்கிறார்.

 

பங்குத் தரகராவது (Share Broker) என்று தீர்மானித்தாகி விட்டது. பங்குத் தரகம் செய்யும் நிறுவனம் ஆரம்பிப்பது அத்தனை எளிதான காரியம் அல்ல. நிறைய முதலீடு தேவைப்படும். அப்போதுதான் கல்லூரிப் படிப்பை முடித்திருந்த ஒரு நடுத்தர வர்க்க இளைஞனிடம் என்ன பணம் இருந்திருக்க முடியும். யோசித்து யோசித்து ஒரு முடிவுக்கு வந்தார் ராகேஷ். தனது பங்குத் தரகர் கனவைக் கொஞ்ச நாளைக்குத் தள்ளிப் போடுவது என்று முடிவு செய்தார். முதலில் பங்கு வர்த்தகம் (Share Trading ) செய்யலாம். கையில் கொஞ்சம் காசு சேர்ந்தவுடன் தனது கனவைத் துரத்திக் கொள்ளளலாம் என்று தீர்மானித்தார். பங்கு வர்த்தகம் செய்வதற்கும் கொஞ்சமாவது பணம் வேண்டுமே என்று யோசித்தபோது மறுபடியும் உதவிக்கு வந்தார் அப்பா. மகனின் வங்கிக் கணக்கில் தன்னால் முடிந்த ஒரு தொகையாக 5000 ரூபாய் டெபாசிட் செய்தார். இது நடந்தபோது ராகேஷின் வயது 25.
ஆண்டு 1985. 20000 என்ற எல்லையை 2008ல் கடந்து சென்ற சென்செக்ஸ் குறியீட்டின் அப்போதைய மதிப்பு வெறும் 150.

 

ஐயாயிரம் ரூபாயை வைத்துக் கொண்டு பங்குச் சந்தையில் பணம் பண்ண நுழைந்து விட்டார். சில சமயங்களில் லாபம், சில சமயங்களில் நஷ்டம், எது எப்படியோ மொத்தத்தில் பங்கு வர்த்தகம் லாபகரமாகவே இருந்தது. ஆனால் அதில் வரும் லாபம் அதிகமாக இருந்தாலும் அந்த வருமானம் மிகவும் சொற்பமாகவே இருந்தது. வெறும் ஐயாயிரம் ரூபாய் முதலீட்டில் என்ன பெரிய வருமானம் வந்து விட முடியும்? மாதத்திற்கு 5 சதவிகிதம் லாபம் என்று வைத்துக் கொண்டாலும் அது வெறும் 250 ரூபாய்தானே. ராகேஷ் இந்த வருமானத்தில் திருப்தி அடையவில்லை. வருமானம் அதிகரிக்க ஒரே வழி முதலீட்டை அதிகரிப்பதுதான் என்று முடிவு செய்தார். ஆனால் பணத்திற்கு என்ன செய்வது?

 

நமது இலக்கு எது என்பதை நாம் சந்தேகமே இன்றி தீர்மானித்து விட்டால் அதனை அடையும் பாதையைக் கடவுள் காட்டுவதோடு மட்டும் இல்லாமல் வழியில் எதிர்கொள்ளும் மூடப்பட்ட கதவுகளையும் ஒவ்வொன்றாகத் திறப்பார். பல வெற்றியாளர்களின் சரித்திரங்களைப் படிக்கும்போது இது உண்மை என்பது நிரூபணமாகும்.வாழ்வில் வெற்றி பெற்ற அனைவருமே தனது இலக்கு என்ன என்பதில் மிகத் தெளிவாக இருந்திருக்கிறார்கள். ஒரே இலக்கோடு, நம்பிக்கையோடு தனது பயணத்தைத் தொடர்கையில் வழியில் எதிர்ப்படும் தடைகள் எல்லாம் ஏதோ ஒரு சக்தியால் தவிடு பொடியாகி புதிய வழிகள் பல உருவாவதையும் கண்டிருக்கிறார்கள். ராகேஷ் ஜூஞ்சன்வாலா தனது இலக்கு எது என்பதில் உறுதியாக இருந்தார். அதனை அடைவதற்கான வழிகள் என்ன என்பதையும் அறிந்திருந்தார்

 

பணத்திற்கு என்ன செய்தார் என்பதும் சரியாக 3 ஆண்டுகளில் இந்த 5000 ரூபாய் 5 லட்சம் ஆனதும், 30 ஆண்டுகளில் 5000 கோடி ஆனதும்

 

அடுத்த வாரம்...

 Published by WebStory

Read More

பப்பட்டின் வெற்றி வழி

பங்கு வாங்கியாகி விட்டது.அதை எப்படி தொடர்ந்து கண்காணிப்பது எனவும் பார்த்தாகி விட்டது.இனி செய்ய வேண்டியது என்ன?ஜாக்கிரதையாய் இருப்பதுதான்.யாரிடம் ஜக்கிரதையாய் இருக்க வேண்டும்?பங்கு சந்தையிடம்.பப்பட் பங்கு சந்தையை பற்றி மிஸ்டர் மார்க்கட் என்ற பெயரில் சுவரசியமாக ஒரு கதை சொல்லுவார்.அந்த கதையை விட்டுவிட்டு அதில் உள்ள கருத்தை மட்டும் சொல்லுகிறேன். "Market is always correct.market is perfect " என்ற ஒரு மாயை பங்கு சந்தையில் நிலவுகிறது.பப்பட் அது தவறு என்கிறார்.பங்கு சந்தை பெர்பெக்டாக இருந்திருந்தால் நான் இன்னும் ஏழையாக தான் இருந்திருப்பேன் என்கிறார்.பப்பட்டின் வார்த்தைகளில் Market is not awlays correct.It is at times correct.There is a difference between both these views.The difference is like that between day and night. பங்கு சந்தையின் விலை உண்மை விலையை விட அதிகமாக இருக்கும்போது பேசாமல் இருக்க சொல்கிறார்.பங்கு சந்தை விலை உண்மை விலையை விட குறைவாக இருக்கும்போது பங்குகளை வாங்க சொல்கிறார்.பங்கு விலை குறைந்தால் தான் அவர் மகிழ்வார்.கடையில் பொருள் விலை குறைந்தால் வாடிக்கையாளருக்கு மகிழ்ச்சி தானே?அது போல் தான் இதுவும் என்கிறார் பப்பட். நிறைய கம்பனிகளின் பங்குகளை வாங்குவதையும் அவர் ஆதரிக்கவில்லை.20 கம்பனிகளின் பங்குகளுக்கு மேல் அவர் வாங்கமாட்டார்.நாம் இன்னும் குறைவாக தான் வாங்க வேண்டும்.ஒரே கம்பனியில் பணம் போடுவதும் தவறு.10 நல்ல கம்பனிகளை கண்டறிந்த பிறகு மேலும் பணம் போடவேண்டுமென்றால் அந்த 10லேயே போடலாம் அல்லவா?11வது கம்பனி எதற்கு என கேட்கிறார் பப்பட். "which is the right time to sell?"' என்ற குழப்பம் பங்கு சந்தை துறைகளில் உண்டு.பப்பட் இதற்கு தெளிவான பதில் வைத்திருக்கிறார். NEVER என்பது தான் அவரின் பதில்.நம்மால் அப்படி செய்ய முடியாமல் போனாலும் குறைந்தது 10 - 20 வருடங்களுக்கு வாங்கிய பங்கை விற்கக் கூடாது. பப்பட் இதற்கு வீட்டை உதாரனம் சொல்கிறார்.10 லட்சம் தந்து வீடு வாங்குகிறோம்.வாங்கிய மறுநாள் சந்தை மதிப்பு 11 லட்சம் ஆகிறது.லட்ச ரூபாய் லாபம் கிடைக்கிறது என்பதற்காக வீட்டை விற்போமா?சந்தை விலையை பற்றி கவலைப்படவே மாட்டோம் அல்லவா?அதுபோல் தான் பங்குகளும் என்கிறார் பப்பட். இத்துடன் இத்தொடரை நிறைவு செய்கிறேன்.பப்பட்டின் வழிமுறையில் முக்கியமானவற்றை சொல்லிவிட்டேன்.முதலீடு செய்ய விரும்புவோர் பப்பட்டின் புத்தகங்களை படித்து பார்த்து முதலீடு செய்க என அன்புடன் பரிந்துரைக்கிறேன். சில உருப்படியில்லாத விஷயங்களையும் சொல்லியாக வேண்டும். ஊருக்கு எத்தனை உபதேசம் செய்தேனே.என் பங்கு சந்தை அனுபவம் என்ன என கேட்கிறீர்களா?நான் பங்கு வாங்கிய கதையை தான் சொன்னேன்.பிறகு என்ன ஆச்சு என்பதையும் சொல்லிவிடுகிறேன். கஷ்டப்பட்டு ஆராய்ச்சி செய்து 2 கம்பனிகளின் பங்குகளை வாங்கினேன்.20 வருடம் வைத்திருக்கலாம் என்ற எண்ணத்தில் தான் வாங்கினேன்.வாங்கியபோது ஒரு கம்பனி பங்கு விலை 234 ரூபாய்.இன்னொரு கம்பனி பங்கு 70 ரூபாய். பங்கு வாங்கிய 1 வருடத்தில் அமெரிக்க விசா கிடைத்தது.இருக்கும் பணம் முழுவதையும் வங்கிகணக்கில் காட்ட வேண்டும் என விசா கன்சல்டன்ட் சொன்னார்.234 ரூபாய்க்கு வாங்கிய பங்கை 246 ரூபாய்க்கு விற்றேன்.80 ரூபாய்க்கு வாங்கியதை 85 ரூபாய்க்கு விற்றேன். அந்த இரு பங்குகளின் உண்மை விலை 400 - 500 என கணித்து வைத்திருந்தேன்.80 ரூபாய் பங்கு மிக அன்டர்வேல்யூட் பங்கு.நிறைய வாங்கிக்குவித்திருந்தேன். விசா கிடைத்து அமெரிக்கா வந்துவிட்டேன்.இப்போது 234 பங்கு 1365 ரூபாய்க்கு விற்கிறது.80 ரூபாய் பங்கு 500 தாண்டியதாக 6 மாதம் முன் பார்த்தேன். ஆனால் நான் துளி கூட கவலைப்படவில்லை. இன்னொரு தமாஷையும் சொல்ல வேண்டும்.அவ்வளவு கஷ்டப்பட்டு அந்த புத்தகத்தை வாங்கினேனே,அதை வாங்கிய பிறகு எதேச்சையாய் நெட்டில் பார்த்தபோது அது இலவசமாக நெட்டில் கிடைக்கிறது. அன்று மிகவும் மனம் நொந்து போனது உண்மை.சிரிப்பாகவும் இருந்தது.Life keeps on teaching me new lessons everyday. சரி நீங்கள் எல்லாரும் அந்த புத்தகத்தை ஓசியில் படிக்க வேண்டுமா? ஆசை தோசை அப்பளம் வடை. எதாவது தரும காரியத்துக்கு ஒரு சிறு தொகை தருவேன் என்று சத்தியம் செய்தால் தான் அந்த சுட்டியை கொடுப்பேன். எல்லாரும் சத்தியம் செஞ்சாச்சா? வெரிகுட் ....அடப்பாவி.இங்க பாரு அனியாயத்தை...அஷ்லின் மனசுக்குள் "அ" சொல்லிட்டு "சத்தியம்"னு சொல்லற மாதிரி இருக்கு.அதனால அவருக்கு மட்டும் இந்த சுட்டி கிடையாது. மத்தவங்க மட்டும் இங்க போய் படிங்க. இந்த சுட்டில ரொம்ம்ம்ம்ம்ம்ம்ம்ம்ப நீளமா இருக்கும்.புத்தகம் எடிட் செஞ்ச வெர்ஷன்.அதனால என்ன?நிறைய படிச்சா நல்லதுதானே? Happy investing.

 Published by WebStory

Read More

பப்பட்டின் வெற்றி வழி - 7

பங்கை வாங்கியாகி விட்டது.அடுத்து செய்ய வேண்டியது என்ன? நாம் போட்ட முதலீடு எப்படி வேலை செய்து கொண்டிருக்கிறது என பார்க்க வேண்டும்.பங்கு சந்தையில் என்ன விலை விற்கிறது என பார்க்க வேண்டியதில்லை. உதாரணமாக இந்துஸ்தான் லீவரின் பங்குகளை வாங்கினால் நாம் அடுத்து பார்க்கவேண்டியது அந்த கம்பனியின் வருடாந்திர லாப,நஷ்டம் செயல்பாடு எப்படி நடந்து கொண்டிருக்கிறது என்பதைத் தான்.அந்த கம்பனியின் பங்குகள் சந்தையில் என்ன விலை விற்கிறது என்பதை நாம் கண்டுகொள்ள வேண்டாம் என்கிறார் பப்பட். நம் முதலீட்டை எப்படி கண்காணிப்பது? 100 ரூபாய் ஒரு கம்பனியில் போடுகிறோம்.வங்கியில் போட்டால் நமக்கு 10% வருடத்துக்கு வட்டி வந்திருக்கும் என்று வைத்துக்கொள்வோம்.ஆக அடுத்த வருடம் நாம் போட்ட முதலீடின் மதிப்பு 110 ரூபாயாக இருக்கும். பங்கு சந்தையிலும் இதே கதைதான். நாம் உண்மை விலை என்பதை பற்றி பார்த்தோம்.அந்த உண்மை விலை வருடா வருடம் உயர வேண்டும்.நாம் போட்ட முதலீட்டை விட உண்மை விலை வருடா வருடம் அதிகரிக்க வேண்டும்.அது நடந்து கொண்டே இருந்தால் நாம் வேறெதைப் பற்றியும் கவலைப்பட வேண்டியதில்லை என்கிறார் பப்பட்.பங்கு சந்தையில் பங்கு என்ன விலைக்கு விற்கிறது என்பதைப்பற்றி கவலைபட வேண்டியதில்லை. ஒரு உதாரணம் பார்ப்போம். X கம்பனியின் தற்போதைய 10 ரூபாய்.15% நாம் எதிர்பார்க்கும் ரிடர்ன்.ஆக உண்மை விலை 66.67 ரூபாய். வருடா வருடம் கம்பனியின் ஈ.பி.எஸ் அதிகரிக்க வேண்டும்.அப்போது தான் உண்மை விலையும் அதிகரிக்கும். 2000வது வருடம் நாம் 66.67 உண்மை விலையுள்ள ஒரு கம்பனியின் பங்கை 40 ரூபாய் கொடுத்து வாங்குகிறோம் என வைத்துக்கொள்ளுங்கள்.40 ரூபாயை பங்கில் போடாமல் வங்கியில் போட்டிருந்தால் நமக்கு கிடைப்பது 10%.2001ல் 10% வட்டியில் அந்த முதலீட்டின் தற்போதைய மதிப்பு 40*1.1 = 44. 2001 வருட உண்மை விலை இந்த 44 ரூபாயை விட அதிகமாக இருந்தால் நாம் கவலைப்பட ஒன்றுமில்லை.வருடா வருடம் இது தொடர்ந்து நடந்து கொண்டே இருந்தால் நாம் எதைப்பற்றியும் கவலைபட வேண்டியதில்லை என்கிறார் பப்பட். உதாரணம் பார்ப்போம் year eps intrinsic value investment market price 2000 10 66.67 40 34 2001 11.5 76.67 44 24 2002 13.22 88.16 48.4 35 2003 15.20 101.39 53.24 45 2004 17.49 116.60 58.564 160 2005 20.11 134 64.42 145 2006 23.13 154.20 70.86 82 ஆக மேற்கண்ட உதாரணத்தில் உண்மை விலை நாம் போட்ட முதலீட்டை விட வருடா வருடம் அதிகமாக இருக்கும்போது நாம் சந்தை விலையை பற்றி கவலைப்பட வேண்டியதில்லை. சந்தை விலை உண்மை விலையை விட மிக குறைவாக சில சமயங்களில் இருக்கும்.( eG 2001, 2002, 2003 )உண்மை விலையை விட மிக அதிகமாக சில சமயங்களில் இருக்கும்.( eG:2004,2005 ) குறைவாக இருக்கும் வருடங்களில் நாம் செய்திருக்க வேண்டியது இன்னும் அதிக பங்குகளை வாங்குவதுதான். அதிகமக இருக்கும் வருடங்களில் செய்ய வேண்டியது? சும்மா இருப்பதுதான்.

 Published by WebStory

Read More

பப்பட்டின் வெற்றி வழி 6

உண்மை விலையை கண்டறிய பப்பட் ஒரு எளிய கணித சூத்திரம் வைத்திருக்கிறார்.நாம் முன்பு பார்த்தபடி நாம் நம் பங்கு முதலீட்டுக்கு 15% முதல் 20% வரை ரிடர்ன் எதிர்பார்க்கலாம் என எழுதியிருந்தேன்.உதாரணத்துக்கு 15% என்று வைத்துகொள்வோம்.நமக்கு இதோடு EPS என்ற இன்னொரு விவரமும் தேவைப்படும்.ஒவ்வொரு கம்பனியும் தமது வருடாந்திர EPS (earning per share) எவ்வளவு என்பதை வெளியிடும். உண்மை விலையை கண்டறிவதற்கான சூத்திரம் intrinsic price = eps /expected return In our example expected return = 15% i.e 0.15 இப்போது சில கம்பனிகளை எடுத்துக்கொண்டு அவற்றின் பங்குகளின் உண்மையான விலையை பார்க்கலாம். ரிலயன்ஸ் eps = 54.34 expected return = 0.15 intrinsic price = eps/expected return = 54.34/0.15 = 362 உண்மை விலை = 362 இன்றைய சந்தை விலை = 653 பரிந்துரை = over priced.wait 362 மேல் ரிலயன்ஸ் கம்பனியின் பங்குகளை பப்பட்டின் முறையில் வாங்கக்கூடாது. இதே முறையில் மற்ற கம்பனிகளின் உண்மை விலையை கணக்கிட்டு சந்தை விலை உண்மை விலையை விட குறைவாக இருந்தால் வாங்க வேண்டும். (நீங்கள் இப்போது இந்த சூத்திரத்தை பயன்படுத்தி பார்த்தால் இந்திய பங்கு சந்தையில் பல பங்குகள் over priced என்பது தெரியவரும்.ஏனேனில் வரலாற்றில் இல்லாத அளவுக்கு இந்திய பங்கு சந்தை முன்னேற்றம் கண்டுள்ளது.இது விற்பதற்கு அருமையான சமயம்.வாங்குவதற்கு அல்ல) இந்த சூத்திரத்தின் அடிப்படையை எழுதினால் அது ரெண்டு மூணு பதிவு வரை போகும்.அதனால் அதை எழுதவில்லை. பங்கை பப்பட்டின் சூத்திரத்தை பயன்படுத்தி வாங்கிவிட்டோம்.அடுத்து செய்ய வேண்டியது என்ன?

 Published by WebStory

Read More

வாரன் பப்பட்டின் வெற்றி வழி - 5

பப்பட் முதலீடு செய்வது டெக்னாலஜி தேவையில்லாத சாதாரண மனிதனும் அறிந்து கொள்ளக்கூடிய துறைகள் தான். வங்கி(வெல்ல்ஸ் பார்கோ),உணவு,இன்சூரன்ஸ்,குளிர்பானம்(கோக்),சவர கம்பனி(ஜில்லெட்), கிரெடிட் கார்ட்(அமெரிக்கன் எக்ஸ்பிரஸ்) போன்ற டெக்னாலஜி அற்ற துறைகளில் தான் பப்பட் முதலீடு செய்வார். பப்பட் வாங்கிய கம்பனிகள் அனைத்தும் நேர்மைக்கு பேர் போனவை.மிகபுகழ் பெற்ற பிராண்டுகளை கொண்டவை.இவை இருக்கும் துறைகள் உலகம் அழியும் வரை தொடர்ந்து இருக்கும்.என்ன டெக்னாலஜி வந்தாலும் இவற்றை ஒன்றும் செய்ய முடியாது.இப்படிப்பட்ட துறைகளில் தான் பப்பட் முதலீடு செய்வார். இந்த கம்பனிகள் அனைத்துக்கும் வருடா வருடம் அவை அடையும் லாபம் எவ்வளவு என்பதை நாம் எளிதில் கணக்கிட இயலும்.இந்த கம்பனிகள் expected earnings என்று forecast ஒன்றை வருட ஆரம்பத்திலேயே கொடுத்துவிடும்.அனைத்து கம்பனிகளும் அப்படி தரும் என்றாலும் டெக்னாலஜி போன்ற துறைகளில் எதிர்பாரா நிகழ்வுகள் லாபத்தை குறைக்கும்.அந்த வாய்ப்பு இந்த துறைகளில் மிகவும் குறைவு. expected cashflow, predicted EPS(earnings per share) என்பதை பப்பட் முக்கியமாக கருதுவார். பப்பட் commodity என்று சொல்லப்படும் துறைகளை சந்தேகத்தோடு தான் நோக்குவார்.ஆனால் அந்த துறைகளிலும் அவர் சில சமயம் முதலீடு செய்வது உண்டு. ஆக பப்பட்டின் முறைகளை பின்பற்ற விரும்புவோர் எந்த துறை பங்குகளை வாங்கலாம்? 1.FMCG (fast moving consumer goods) 2.Finance (banks, insurance,NBFC's like ICICI idbi) 3.Branded food 4.retail and wholesale companies 5.Infrastructure companies(container corporation,transport firms etc) எதை தவிர்க்க வேண்டும்? 1.New companies in any industry 2.Technology companies 3.TV and other media companies 4.Textiles 5.IPO's (Never subscribe to any IPO of a new firm) சரி-எந்த துறை பங்குகள் வாங்கலாம் என்று முடிவு செய்தாகிவிட்டது.எந்த கம்பனிகள் என்பதற்கும் ஒரு தராதரம் பார்க்கும் முறையை பப்பட் தந்திருக்கிறார்(நேர்மையான,நீண்டகாலமாக தொழில் இருக்கும் தொடர்ந்து லாபம் சம்பாதிக்கும் கம்பனிகள்).இனி என்ன செய்யவேண்டும் என்கிறீர்களா? இனி தான் இருக்கிறது சில எளிய பைனான்ஸ் சூத்திரங்கள். அம்மாதிரி கம்பனிகளின் தற்போதைய பங்கு விலை(market price) என்ன?அவற்றின் உண்மையான பங்கு விலை(Intrinsic price) என்ன என்பதை கணக்கிட வேண்டும்.உண்மை விலை சந்தை விலையை விட அதிகமாக இருந்தால் பங்குகளை வாங்க வேண்டும். Intrinsic price > market price = buy (indicates share is under valued) intrinsic price < market price = dont buy (indicates share is over valued) that is market price < Intrinsic price = buy market price > Intrinsic price = dont buy உண்மை விலை என்பதை எப்படி கணக்கிடுவது?ஒரு எளிய சூத்திரம் மூலம்.

 Published by WebStory

Read More

வாரன் பப்பட்டின் பங்கு வர்த்தக வெற்றி வழிகள் - 4

அடுத்ததாக எம்மாதிரி கம்பனிகளின் பங்குகளை வாங்கலாம் என்பதை பற்றி பப்பட் என்ன சொல்லுகிறார் என பார்க்கலாம். 1.கம்பனிகளை நடத்துவோரின் பின்புலம் மிக நேர்மையுடையதாக இருக்கவேண்டும் 2.சந்தையில் நீண்டகாலமாக இருக்கும் கம்பனிகளின் பங்குகளை மட்டுமே வாங்கவேண்டும். 3.புதுகம்பனிகளின் பங்குகளை எக்காரணம் கொண்டும் வாங்குதல் கூடாது. 4.டெக்னாலஜி,தொழில் நுட்ப துறை பங்குகளை வாங்குதல் கூடாது.சாதாரண மனிதனுக்கு புரியக்கூடிய தொழில் நுட்பம் உள்ள கம்பனிகளின் பங்கையே வாங்க வேண்டும். விதி எண் 1 மிக முக்கியம் என்று பப்பட் கூறுகிறார்."நேர்மை" என்பதை எவ்விதத்திலும் பப்பட் விட்டுக்கொடுக்க மாட்டார்.ஏமாற்று,மோசடி வேலைகளில் ஒரு கம்பனி ஈடுபட்டதாக செய்திகள் வந்தால் பப்பட் அந்த கம்பனியை விட்டு காத தூரம் விலகிவிடுவார்."பங்கு வர்த்தகம் தொழில் போல்,கம்பனியை நடத்துவோர் பார்ட்னர் போல்" என்று பப்பட் அடிக்கடி சொல்லுவார்.பார்ட்னர் நேர்மையான மனிதனாக இருக்கவேண்டும் என நாம் விரும்புவோமா இல்லையா?பங்கு சந்தையில் மட்டும் ஏன் வேறு மாதிரி நினைக்கிறோம்?பத்திரிக்கைகளில் பெரிய,பெரிய கம்பனிகள் செய்த மோசடி வேலைகள் தினமும் வந்து கொண்டுதான் உள்ளன.அம்மாதிரி கம்பனிகளை பப்பட் அடியோடு தவிர்ப்பார்.நாம் செய்ய வேண்டியதும் அதைத்தான். பப்பட்டின் விதி 1 ஏற்கும் பண்டிதர்கள் அவரின் விதி 2,3,4 ஒத்துக்கொள்வதில்லை.பப்பட்டை "தொழில்நுட்ப பயம் கொண்டவர்"(Technophobe) என்றும் அவர்கள் சொல்லுவார்கள்.பப்பட் பில்கேட்ஸின் மிக நெருங்கிய நண்பர்.ஆனால் இதுவரை மைக்ரொசாப்டின் ஒரு பங்கை கூட அவர் வாங்கியதில்லை.ஏனேனில் அவர் தொழில்நுட்ப கம்பனிகளின் எந்த ஒரு பங்கையும் வாங்கமாட்டார். 90களில் கம்ப்யூட்டர் கம்பனி பங்குகள் கொடிகட்டி பறந்தன.பப்பட் அவற்றில் ஒரு பங்கை கூட வாங்கவில்லை.பப்பட்டின் இந்த நடவடிக்கையை பல பண்டிதர்கள் கிண்டலடித்தார்கள்.ஆனால் டெக்னாலஜி கம்பனிகள் 2000 ஆரம்பத்தில் பல பேரை ஒட்டாண்டியாக்கியதும் பப்பட்டை அவர்கள் "மகா ஞானி" என்று சொல்லத் துவங்கினார்கள்.பப்பட்டின் பாலிசி இந்த விஷயத்தில் மிக எளிதானது. "we dont buy anything which we dont understand" என அவர் எளிதாக சொல்லிவிட்டார். ஏன் டெக்னாலஜி பங்குகளை அவர் வாங்குவதில்லை?இப்போது நானோ டெக்னாலஜி,பையொடெக்னாலஜி என ஏதேதோ கம்பனிகள் வருகின்றன.இந்த துறைகளின் எதிர்காலம் என்ன என்று யாருக்குமே தெரியாது.இன்டெர்நெட் கம்பனிகளின் எதிர்காலம் என்ன என யாருக்கும் தெரியாது.பின்னொரு நாளில் கோடிகள் வரலாம்,ஆனால் இப்போது கையில் கிடைப்பது என்ன என்பதை தான் பப்பட் சிந்தித்தார்.இந்த பங்குகளை ஒதுக்கிவிட்டார். 90களில் அனைவரும் இன்டர்நெட்,பையொடெக் என பங்குகளை வாங்கிக்கொண்டிருக்க பப்பட் செங்கல் கம்பனி,மேஜை நாற்காலி செய்யும் கம்பனி என பங்குகளை வாங்கினார்.பப்பட்டை கிண்டலடித்த அனைவரும் இன்டெர்நெட் விழுந்த வேகத்தில் ரத்தகாயம் பட்டனர்.பப்படின் செங்கல் கம்பனி லாபத்தை அள்ளிக்குவித்தது.21 நூற்றாண்டிலும் செங்கல் தேவை என்பதை பப்பட் சரியாக புரிந்து வைத்திருந்தார். பப்பட் எதிர்பார்ப்பது அவர் வாங்கும் கம்பனி தொடர்ந்து லாபம் தரவேண்டும்.உலகில் அப்படி லாபம் தரும் துறைகள்,கம்பனிகள் பல உண்டு.அப்படி இருக்க எதிர்காலம் என்ன என்று தெரியாத, லாபம் எப்படி வரும்,எப்போது வரும் என யாருக்கும் புரியாத டெக்னாலஜி கம்பனிகளை ஏன் வாங்க வேண்டும் என்பது தான் பப்பட்டின் கேள்வி. "இப்படி போனால் தொழில்நுட்ப துறை எப்படி வளரும்" என பப்பட்டிடம் கேள்வி கேட்கப்பட்டது.அதற்கு பப்பட் அழகாக விடைதந்தார்."தொழில்நுட்பத்துறைக்கு எனது வாழ்த்துக்கள்.அத்துறையை தூக்கி நிறுத்துவது எனது வேலையல்ல.எனது கவலை போட்ட காசு எதில் லாபம் சம்பாதிக்கும் என்பதுதான்.கோக்,ஜில்லெட் என இந்த பிரச்சனை இல்லாத கம்பனிகள்,வருடா வருடம் ஒழுங்காக லாபம் தரும் கம்பனிகள் பல உண்டு.நான் ஏன் மற்றவற்றில் கவனம் செலுத்த வேண்டும்" என்று சொல்லிவிட்டார். ஆக பப்பட்டின் முறையில் டெக்னாலஜி கம்பனிகள் எதுவும் கிடையாது."இப்படி பங்கு வாங்கினால் சுவாரசியமே கிடையாதே" என பப்பட்டிடன் கேட்டார் ஒருவர்."சுவாரசியம் வேண்டுமானால் டிஸ்னிலாண்டிற்கு போங்கள்.பங்கு வர்த்தகத்துக்கு லாபம் சம்பாதிக்க மட்டுமே வாருங்கள்" என பப்பட் சொல்லிவிட்டார். எம்மாதிரி துறைகளில்,கம்பனிகளில் பப்பட் முதலீடு செய்ய சொல்கிறார்?

 Published by WebStory

Read More

பங்கு வர்த்தகத்தில் செல்வம் சேர்ப்பது எப்படி?- பாகம் 3

பங்கு சந்தை வியாபரத்தை எப்படி சூதாட்டமாக செய்யமுடியும் என்பதை இரண்டாம் பகுதியில் பார்த்தோம்.இனி பங்கு முதலீட்டை வணிகமாக எப்படி செய்ய முடியும் என்பதை பப்பட் எவ்வாரு சொல்கிறார் என்பதை பார்ப்போம். பங்கு சந்தை என்றல்ல, எந்த தொழில் முதலீடு செய்தாலும் நாம் பார்க்க வேண்டியது ரிஸ்க்-ரிடர்ன் டிரேடாப்(risk return tradeoff) என்பதாகும்.அதாவது ரிஸ்க் இல்லாத முதலீடு என ஏதும் கிடையாது.ரிஸ்க் அதிகரிக்க அதிகரிக்க ரிடர்னும் அதிகரிக்க வேண்டும். உதாரணமாக வங்கியில் பணம் போட்டால் ரிஸ்க் கிடையாது.ஆனால் லாபம் அதிகம் கிடையாது.(5% அல்லது 6% தான் ரிடர்ன்).குதிரை பந்தயத்தில் ரிஸ்க் அதிகம்,ஆனால் ரிடர்ன் மிக அதிகம்(வந்தால் 10 கோடி,போனால் 10 லட்சம்)..ஆக ரிஸ்க் அதிகரிக்க அதிகரிக்க ரிடர்ன் அதிகரிக்கும்.ரிஸ்க் குறைய குறைய ரிடர்னும் குறையும். பப்பட்டின் முறையில் நாம் முதலில் நமக்கு எவ்வளவு ரிடர்ன் வேண்டும் என்பதை முடிவு செய்துகொள்ள வேண்டும்.5 அல்லது 6% ரிடர்ன் போதும் என்றால் பங்கு வர்த்தகம் தேவையில்லை.வங்கியில் பணம் போட்டால் போதும்.8 முதல் 10% என்றால் AAA பாண்ட் என்று சொல்லப்பட்வற்றில் பணம் போடலாம். 40,50% வேண்டும் என்றால் கஷ்டம்.அவ்வளவு எதிர்பார்ப்பு வேண்டாம் என்று பப்பட் தெளிவாக சொல்லிவிடுகிறார். பிறகு எவ்வளவு தான் எதிர்பார்க்கலாம்?AAA பாண்டில் பணம் போட்டால் எவ்வளவு கிடைக்குமோ அதை விட இருமடங்கு லாபம் பங்கு சந்தையில் எதிர்பார்ப்பது நியாயம் என்று பப்பட் கூறுகிறார்.ஆக 15 முதல் 20 சதவிகித லாபம் பங்கு சந்தையில் எதிர்பார்ப்பது நியாயம்(15 முதல் 20 என்பது மினிமம் எதிர்பார்க்கும் லாபம் என்பது தெளிவு) அடுத்தது பங்கு சந்தையில் முதலீடு செய்யும் கால அளவு: பங்கு சந்தையில் உங்களிடம் இருக்கும் அத்தனை பணத்தையும் போடுவது புத்திசாலித்தனமல்ல.பங்கு சந்தையில் கொள்ளை லாபம் கிடைக்க வேண்டுமென்றால் அதிக கால அளவு பிடிக்கும்.அதுவரை காத்திருக்க முடியும் என்றால் தான் பப்பட்டின் முறை பயனளிக்கும்.அதிக கால அளவு என்றால் என்ன? பப்பட் சொல்வது குறைந்த பட்சம் 5 வருடம்.அதிக பட்சம் 20 வருடம்.இதற்கு குறைவான கால அளவில் முதலீடு செய்து லாபம் கிடைக்க வேண்டுமென்றால் அது பயன் தராது.குறைந்தது 10 வருடமாவது பொறுக்க வேண்டும்.அப்போது தான் நல்ல லாபம் கிடைக்கும். 3 வருடத்தில் மகள் கல்யாணம்.அப்பொது பணம் கிடைத்தால் போதும் என்று நினைத்து இருக்கும் பனத்தை பங்கு சந்தையில் போடுவது புத்திசாலித்தனமல்ல.குறைந்தது 10 வருடமாவது இந்த பணம் திரும்ப நமது கைக்கு வராது என்று நினைத்து முதலீடு செய்யவேண்டும்.அப்படி முதலீடு செய்ய தொகை உங்கள் கையில் இருந்தால் பப்பட்டின் முறை பயனளிக்கும். பப்பட் 1977'ல் 7 கம்பனிகளின் பங்குகளை வாங்கினார்.இன்று வரை அந்த 7 கம்பனிகளின் ஒரு பங்கை கூட அவர் விற்கவில்லை."சாகும் வரை விற்கமாட்டேன்" என்பது தான் பப்பட்டின் பாலிசி.இந்த 7 கம்பனிகளில் அவர் செய்த முதலீடு தான் அவரை இன்று உலகின் இரண்டாவது பெரிய கோடிஸ்வரன் நிலைக்கு உயர்த்தியிருக்கிறது.ஒரு பங்கை கூட விற்காமல் டிவிடன்ட்,ஷேர் அப்ப்ரெஷியேஷன் என்று போட்ட பணத்துக்கு மேல் பல மடங்கு அவர் இந்த 30 வருடங்களில் எடுத்துவிட்டார். ஆக பப்பட்டின் முறைப்படி நாம் எதிர்பார்க்ககூடிய நியாயமான குறைந்த பட்ச லாபத்தொகை(conservative estimate) 15 முதல் 20 சதவிகிதம்.(கூட்டு வட்டி)கால அளவு 10 முதல் 20 வருடங்கள். 20 சதவிகித கூட்டு வட்டியில் தற்போது லட்சம் ரூபாய் போட்டால் 10 வருடம் கழித்து 6 லட்சம் கிடைக்க வேண்டும்.20 வருடம் கழித்து 46 லட்சம் கிடைக்க வேண்டும். ரிஸ்க்?மிக மிக குறைவு.. இதை பப்பட்டின் முறை நமக்கு தருமா?

 Published by WebStory

Read More

பங்கு சந்தையில் பணம் சம்பாதிப்பது எப்படி-பாகம் 2

எனது சொந்த முதலீட்டு கதையை நான் ஏன் சொன்னேன் என்பதை விளக்கியாக வேண்டும்.முதலீடு செய்யுமுன் நான் என்னென்ன steps எடுத்தேன், எனது information search process என்ன என்பதை சொல்லவே நான் எனது சொந்த முதலீட்டு கதையை சொன்னேன்.நீங்கள் முதலீடு செய்யுமுன், அது பங்கு சந்தையாக இருப்பினும்,வேறெதுவாக இருப்பினும் இதுபோல் ஒரு search process அவசியம். இப்போது பப்பட்டின் முறைக்கு போவோம்.பப்பட்டின் முறை மிகவும் எளிமையானது என்று சொன்னேன்.அதை பாயின்ட் பை பாயின்டாக விளக்குகிறேன். 1.பங்கு சந்தை என்பது தொழில்.சூதாட்டமல்ல: இதை முக்கியமாக ஞாபகத்தில் கொள்ள வேண்டும்."எனக்கு 1 மாதத்தில் போட்ட முதலீடு டபிளாக வேண்டும்.காலையில் போட்ட பணம் இரவுக்குள் ட்ரிபிளாக வேண்டும்" என்ற நோக்கம் உங்களுக்கு இருந்தால் தயவு செய்து பங்கு சந்தைக்கு வராதீர்கள்.லாட்டரி,குதிரை பந்தயம்,கேசினோ என்று ஏதாவது ஒன்றை தேர்ந்தெடுத்துக்கொள்ளுங்கள். பங்கு சந்தையில் இம்மாதிரி சம்பாதிப்பவர்கள் உண்டு.பெரும்பாலானோர் 1வாரம், 2 மாதம் என்று காலக்கெடு வைத்துக்கொண்டு பங்கு வர்த்தகத்தில் இறங்குவதும் உண்டு."1 லட்சம் எனக்கு சாதாரண தொகை.இரண்டு வாரத்தில் டபிளாக வேண்டும்.பணம் போனாலும் பரவாயில்லை.வந்தால் மலை.போனால் hair" என்று முடிவு கட்டிகொண்டு மஞ்சள் பையை கக்கத்தில் இடுக்கிக்கொண்டு புரொக்கரிடம் போகிறவர்கள் உண்டு.இம்மாதிரி ஆட்களை தான் புரொக்கர் தேடிக்கொண்டிருப்பார்.100க்கு 99.99 சதவிகிதங்களில் வருவது மலையல்ல, hair தான் இம்மாதிரி ஆட்கள் தயவு செய்து பங்கு சந்தைக்கு வராமல் இருப்பது நல்லது.அல்லது இந்த கட்டுரையை படிக்காமல் இருப்பது நல்லது.இம்மாதிரி சம்பாதிக்க வாரன் பப்பட் ஐடியா ஏதும் சொல்லவில்லை. "பங்கு சந்தை என்பது தொழில்" என்று பப்பட் சொன்னார்.ஒரு தொழிலில் 1 லட்சம் போடுமுன் அல்லது 10 கோடி போடுமுன் நாம் எவ்வளவு ஜாக்கிரதையாய் நடவடிக்கைகள் எடுப்போம்?ஏன் பங்கு சந்தையில் மட்டும் இம்மாதிரி நாம் செய்வதில்லை?மில்லியன் டாலர் முடிவுகளை 5 நிமிடத்தில் எடுக்கும் மடத்தனம் பங்கு சந்தையில் மட்டுமே காணப்படும். புரோக்கர் ஆபீசில் பெரும்பாலும் இது தான் நடக்கும்.பங்கு வாங்க விரும்புவோர் புரோக்கர் அலுவகத்தில் கம்ப்யூட்டர் முன்பு உட்கார்ந்திருப்பார்கள்." X கம்பனி சூப்பரா போகுது சார்.ஒரு வாரத்தில் பணம் அள்ளிடலாம்" என்று புரோக்கர் சொல்லுவார்."சரி ஒரு ரெண்டு லட்சத்தை அதுல கட்டு" என்று குதிரை மீது பணம் கட்டுவது போல் வாடிக்கையாளர் சொல்லுவார்.ஒரு வாரம் கழித்து கிடைப்பது திருநெல்வேலி அல்வா தான் என்பதை சொல்லவும் வேண்டுமோ? டே ட்ரேடிங்(day trading) என்ற இன்னொரு வில்லங்கமும் பங்கு சந்தையில் உண்டு.ஒரே நாளில் கொழுத்த லாபம் (பெரும்பாலும் பெருத்த நஷ்டம்) சம்பாதிப்பது.இம்மாதிரி விவகாரங்களுக்கு எல்லாம் பப்பட்டின் முறையில் இடம் இல்லை என்பதை சொல்லவும் வேண்டுமோ? ஆப்ஷன் என்ற இன்னொரு முறை பங்கு சந்தையில் உண்டு.இந்த விளையாட்டு மிகவும் தொழில் நுட்பம் தெரிந்தவர்களுக்கு தான் சாத்தியம்.இது தெரியாதவர்கள் புரோக்கரிடம் கேட்டு ஆப்ஷன்களை வாங்குவதும் உண்டு.பப்படுக்கு இம்மாதிரி தொழில் நுட்பம் எல்லாம் தெரியாது என்று முன்பே சொல்லியிருக்கிறேன்.ஆப்ஷனை பற்றி நீங்கள் தெரிந்து கொள்ள வேண்டியது ஒன்றே ஒன்று தான்.அந்த பக்கமே போகக்கூடாது என்பது தான் அது.அது என்ன என்று கூட தெரிந்து கொள்ள வேண்டியதில்லை.கவுண்டமனியை கண்டால் செந்தில் எவ்வளவு காத தூரம் ஓடுவாரோ அதே தூரம் நீங்கள் ஆப்ஷன் என்ற பெயரை கேட்டால் ஓட வேண்டும். ஆப்ஷனிலும்,டே ட்ரேடிங்கிலும் எத்தனை ஆயிரம் கோடிகள் பங்கு சந்தையில் முதலீடு செய்யப்படுகிறது என்பது தெரிந்தால் நாம் அரண்டு போவோம்.(எத்தனை பனம் அதில் தொலைகிறது என்பது தெரிந்தால் அதை விட அரண்டு போவோம்) ஆப்ஷனிலும்,டே ட்ரேடிங்கிலும் சம்பாதிப்போர் உண்டு.கேசினோவில் சம்பாதிப்பவர்களும் உண்டு.இவற்றில் எப்படி பணம் சம்பாதிப்பது என்று சொல்லும் புத்தகங்கள் உண்டு.இவற்றில் ஈடுபட விரும்புவோருக்கு எனது வாழ்த்துக்கள்+அனுதாபங்கள்.பப்பட்டின் முறையில் இந்த சூதாட்டங்களுக்கு இடம் இல்லை என்பதை மட்டும் சொல்ல விரும்புகிறேன்.

 Published by WebStory

Read More

பங்கு சந்தையில் பணம் அள்ளுவது எப்படி?-

பங்கு சந்தையில் பணம் சம்பாதிப்பது மிகவும் எளிது.தொலைப்பது அதை விட எளிது.இந்திய பங்கு சந்தைகளில் தான் பணம் செய்ய முடியும்.அமெரிக்க மற்றும் ஐரோப்பிய பங்கு சந்தைகளில் பெரியதாக ஒன்றும் சம்பாதிக்க முடியாது.வளரும் நாடுகளின் சந்தையில் தான் பணம் சம்பாதிக்க முடியும். "பங்கு சந்தையில் பணம் சம்பாதிப்பது எளிது" என்று மிக சுலபமாக சொல்லிவிட்டேன் என்று நினைக்காதீர்கள்.உண்மை அதுதான்.பங்குசந்தை என்பது ஒரு தொழில்.அதை தொழிலாக நினைத்து செய்தால் பணம் வரும்.சூதாட்டமாக நினைத்து ஆடினால் தருமபுத்திரன் நிலை தான் ஏற்படும். பங்குசந்தையில் என்னுடைய அனுபவத்தை முதலில் சொல்லிவிடுகிறேன்.பங்கு சந்தையில் முதலீடு செய்வது என்று முடிவெடுத்தேன்.பெரிதாக முதலீடு செய்ய பணமில்லை.முதலில் நான் செய்த காரியம் பங்குசந்தை பற்றி படித்தது தான்.படித்து நான் தெரிந்து கொண்டது பங்கு சந்தையில் பணம் பண்ணுவது எப்படி என்று ஒரு பயலுக்கும் தெரியாது என்பதுதான்.இந்தியாவில் விற்கும் மூலதன பத்திரிக்கைகள் பற்றி எனக்கு நல்ல அபிப்பிராயம் இருந்ததில்லை."இந்த பங்கை வாங்கு.3 மாதத்தில் நீ கோடீஸ்வரன்" என்று பழைய பத்திரிக்கைகளில் எழுதி இருக்கும்.இப்போது அந்த பங்கின் விலை அதளபாதாளத்தில் இருக்கும். "பத்திரிக்கையை நம்பாதே,புரோக்கரை நம்பாதே,புத்திமதி சொல்லும் ஒருவரையும் நம்பாதே" என்பது தான் நான் பல,பல,பல மணிநேரம் லைப்ரரியில் செலவு செய்து கற்றுகொண்ட பாடம். ஆனால் உபயோகமாக பல விஷயங்கள் தெரிந்து கொண்டேன்.டீமாட் அக்கவுண்ட் என்றால் என்ன,எப்படி புரோக்கரிடம் ஏமாந்து போகாமல் இருப்பது,மியூச்சுவல் பண்ட் என்றால் என்ன இப்படி பல விஷயங்கள் தெரிந்து கொண்டேன்.அடுத்ததாக தெரிந்து கொண்ட விஷயம் பங்குசந்தையில் பணம் செய்தவர் என்று கைகாட்ட முடியுமானால் வாரன் பப்பட் என்ற மனிதரை தான் கைகாட்ட முடியும்.உலகின் இரண்டாவது மிகப்பெரிய பணக்காரர்.பேப்பர் போடும் பையனாக தனது வாழ்வை துவக்கியவர்.பங்கு சந்தையில் முதலீடு செய்து உலகின் இரண்டாவது பெரிய பணக்காரணனானவர் என்று தெரிந்ததும் என்பது தெரிந்ததும் அவர் எனது ஆதர்ச குருவானார். அதை விட என்னை ஈர்த்த விஷயம் பங்கு சந்தையில் முதலீடு செய்யும் கலை பற்றி அவர் புத்தகம் எழுதியிருக்கிறார் என்பதுதான்.அந்த புத்தகங்கள் இந்தியாவில் அப்போது எங்கும் கிடையாது.புத்தக விலை எனது அப்போதைய ஒரு மாத சம்பளம்.அதை வாங்கிப்படித்தால் பயணுண்டா இல்லையா என்பது கூட தெரியாது. "சரி,காசு போனால் போய் தொலையட்டும்,ஒன்றும் பிரயோஜனமில்லா விட்டாலும் சரி" என்று அமெரிக்காவில் இருந்த ஒரு பழைய நண்பருக்கு ஈமெயில் அனுப்பி 3 மாதம் கழித்து அவருக்கு தரும சங்கடத்தை கொடுத்து அந்த புத்தகத்தை பெற்றேன்.பாவம் அவர்.பணம் நான் தருவேனோ மாட்டேனோ என்று கேட்க அவருக்கு சங்கடம்.அதை கேட்கவும் தயக்கம்."பணம் தருகிறேன்" என்று சொல்லிவிட்டேனே தவிர அதை அப்போது எப்படி அமெரிக்காவுக்கு அனுப்புவது என்பது எனக்கு தெரியவில்லை. கடைசியில் அந்த பிரச்சனை ஒருவழியாக தீர்ந்து புத்தகம் கைக்கு வந்து விட்டது என்று வைத்துக்கொள்ளுங்கள்.புத்தகம் கைக்கு வருவதற்குள் நான் ஆடிய ஆட்டம் சொல்ல முடியாது.லைப்ரரிக்கு ஓடிப்போய் பைனான்ஸ் சம்பந்தப்பட்ட புத்தகங்கள் எடுத்து படித்து நேரத்தை கழித்துக்கொண்டிருந்தேன்.அந்த புத்தகம் புரியுமோ புரியாதோ அதில் என்னென்ன வகை கணக்குகள் இருக்குமோ என்றெல்லாம் குழப்பம். புத்தகம் கைக்கு வருவதற்கு ஒரு வாரம் இருக்கும்.பங்கு சந்தை தட தட என்று சரிந்தது.என் நம்பிக்கையும் தட தட என்று சரிந்தது.பத்திரிக்கைகளில் பங்கு சந்தையில் ஏமாந்து தற்கொலை செய்துகொண்டவர்களின் கதைகள் தொடர்ந்து வெளிவந்தன.விரக்தியில் இருந்தேன்.புத்தகம் வந்தது.பளா பளா என்று அட்டைபடம். அவநம்பிக்கையோடு புத்தகத்தை பிரித்தேன்.படித்தேன்.ஒரே நாள்.புத்தகத்தை முழு மூச்சில் படித்து முடித்தேன்.இனி பங்கு சந்தையில் அடித்து தூள் கிளப்பலாம் என்ற நம்பிக்கை மனதில் வந்தது.இது தெரியாமலா இத்தனை பேர் பணத்தை தொலைக்கிறார்கள் என்று பாவமாக இருந்தது.வாரன் பப்பட்டின் முறை மிகவும் எளிதான முறை.எந்த கடினமான பைனான்ஸ் முறையும் அந்த புத்தகத்தில் இல்லை.சொல்லபோனால் அவர் ஒன்றும் கணிதத்திலோ,பைனான்ஸிலோ சூரப்புலியல்ல.6 வகுப்பு படித்த மாணவனுக்கு புரிவது போல் தான் அவர் அந்த புத்தகத்தை எழுதியிருந்தார். "பங்கு சந்தையில் பணம் பண்ணுவது எப்படி என்று தெரிந்துகொண்டேன்" என்று என் நண்பர்களுக்கு சொன்னேன்."இப்படித்தான் நாங்களும் ஒரு காலத்தில் நினைத்துக்கொண்டிருந்தோம்" என்று சர்வசாதாரணமாக சொல்லிவிட்டார்கள்.They dismissed it as a stock market novice's initial enthusiasam.

 Published by WebStory

Read More

ஷேர் மார்க்கெட் - 18

ஃபண்டமென்டல் இதையும் பார்க்க வேண்டும்!

சென்ற வாரம் ஃபண்டமென்டல் அனாலிசிஸ்-ல் முக்கியமாகப் பார்க்க வேண்டிய குவாலிடேட்டிவ் அளவுகோல்கள் சிலவற்றைக் கண்டோம். இதே மாதிரியான வேறு சில அளவுகோல்களையும் இனி காண்போம்.

கஸ்டமர் சேவை:வாடிக்கையாளர் சேவை என்பது எந்த ஒரு நிறுவனத்துக்கும் மிக முக்கியமானது. இந்தியாவில் தனியார் துறை வங்கிகளின் வளர்ச்சி இந்த அளவுக்கு உயர்ந்திருக்கிறது என்றால் அதற்கு அடிப்படைக் காரணம், பொதுத்துறை வங்கிகள்தான். அந்த அளவிற்கு பொதுத்துறை வங்கிகளின் வாடிக்கையாளர் சேவை சிறப்பாக இருந்திருக்கிறது. அதேபோல் தனியார் துறையில் டெலிபோன் (செல்போன் உட்பட) நிறுவனங்கள் வளர் வதற்கு நமது பி.எஸ்.என்.எல்-தான் அடிப்படைக் காரணம். ஆனால் அதேசமயம் சில மத்திய மாநில அரசு நிறுவனங்கள் சேவை என்றால் கிலோ என்ன விலை என்று கேட்கும் நிலையில்தான் இருக்கின்றன.

ஒரு வங்கியில் கணக்கு ஆரம்பிக்க வேண்டுமென்றாலோ அல்லது ஒரு மொபைல் போன் சேவை பெற வேண்டு மென்றாலோ, எந்த நிறுவனம் சிறப்பாக சேவை புரிகிறதோ, அங்குதான் செல்வீர்கள். உங்களைப்போல் பலரும் அந்நிறுவனத்தை தேடிச் செல்லும்போது அந்நிறுவனத் தின் வியாபாரம் உயரும்; லாபம் பெருகும். அதனால் நீங்கள் வைத்திருக்கும் பங்கின் விலையும் உயரும்! வாடிக்கையாளர் சேவையில் கண்ணும் கருத்துமாக இருக்கும் நிறுவனங்கள் நீண்ட கால முதலீட்டிற்கு சிறப்பாகவே இருக்கும். ஆகவே, நீங்கள் வாங்கப் போகும் நிறுவனத்தின் வாடிக்கையாளர் சேவை எவ்வாறு உள்ளது என்று தெரிந்து கொள்ளுங்கள்.
கஸ்டமரை நன்றாகக் கவனித்துக் கொள்ளக்கூடிய நிறுவனம், பங்குதாரர்களையும் நன்றாகக் கவனித்துக் கொள்ளும் என்பது உறுதி. தொழிற்துறையில் போட்டிகள் அதிகமாகிக் கொண்டிருக்கும் இத்தருணத்தில், வாடிக்கையாளர் சேவை நிச்சயமாக ஒரு நிறுவனத்தை மற்றொரு நிறுவனத்திலிருந்து பிரித்துக் காட்டும் என்பதில் சந்தேகம் எதுவும் இல்லை.

பங்குதாரர் சேவை:

நம்மில் பெரும்பாலோர் பல நிறுவனங்களில் மிகச் சிறிய முதலீட்டாளராக உள்ளோம். அவ்வாறு இருக்கும்போது நமது முதலீடு சம்பந்தப்பட்ட விஷயங்களுக்கான சேவை மிகவும் அத்தியாவசியமாக உள்ளது. இது சின்னச் சின்ன விஷயங்கள் முதல் பெரிய விஷயங்கள் வரை இருக்கலாம். பெயர் மாற்றம் செய்வது; உரிய நேரத்தில் டிவிடெண்ட் வராமல் இருப்பது; ரைட்ஸ், போனஸ் போன்றவைகளை பெறுவதில் தாமதம் ஏற்படுவது போன்ற பல பிரச்னைகளை முடித்துத் தருவதில் நிறுவனம் துரிதமாகச் செயல்பட வேண்டும். இவையெல்லாம் சின்னச் சின்ன பிரச்னைகள். பெரிய நிறுவனப் பங்குகளை வைத்துள்ள வர்களுக்கு இதுபோன்ற பிரச்னைகள் பெரும்பாலும் இருக்காது. ஆனால் இதைவிட பெரிய பிரச்னை என்னவென்றால், நியாயமாக நடந்து கொள்வது. இன்று பல புரமோட்டர்கள் இன்வெஸ்ட்மென்ட் பேங்கர்ஸ்/ஆடிட்டர்ஸ் உதவியுடன் தங்களது பங்கு சதவிகிதத்தை நிறுவனத்தில் அநியாயமாக (சிறிய முதலீட்டாளர்களுக்கு பாதகம் விளைவிக்கும் வகையில்) ஏற்றிக் கொள்கிறார்கள். வாரண்ட் வெளியிட்டுக் கொள்வதன் மூலம், பங்கு விலையை சந்தையில் ஏற இறங்கச் செய்வதன் மூலம், தங்களைச் சார்ந்த வேறு ஒரு நிறுவனத்துடன் குறைந்த விலையில் இணைப்பதன் மூலம் என பல வகைகளில் இதைச் செய்து முடிக்கிறார்கள். இவ்வாறெல்லாம் தில்லுமுல்லு செய்யாத, நல்ல வரலாறு உள்ள நிறுவனங்களில் உங்களது முதலீட்டை மேற்கொள்ளுங்கள். பங்குதாரரை உண்மையான பங்குதாரராக நினைத்து, நடத்தும் நிறுவனமாக அது இருக்க வேண்டும்.

பிராண்ட் வேல்யூ:

ஒரு கம்பெனிக்கு பிராண்ட் வேல்யூ முக்கியம். டாடாவின் பெயர் இன்று உலகத்தில் உள்ள அனைவருக்கும் பிரசித்தம். பிரிட்டனில் லேண்ட் ரோவர் மற்றும் ஜாகுவார் என்ற கார் கம்பெனிகள் உள்ளன. சில ஆண்டுகள் முன்பு அந்த நிறுவனங்கள் விற்பனைக்கு வந்தன. அப்போது பல நாட்டு நிறுவனங்களும் அந்த கார் கம்பெனிகளை வாங்க வந்தன. ஆனால், அங்குள்ள தொழிலாளர்கள் யூனியன் ஒப்புக்கொண்டது டாடாவை மட்டும்தான். முடிவில் டாடா நிறுவனம்தான் அந்நிறுவனங் களை வாங்கியது. ஒரு நிறுவனத்தின் பிராண்ட் வேல்யூ எவ்வாறெல்லாம் உதவியாக இருக்கிறது என்று பாருங்கள்!
பிஸ்கெட் என்றால் நம்மில் பலருக்கும் ஞாபகம் வருவது பிரிட்டானியாதான். அதேபோல் கார் என்றவுடன் நம்மில் பலர் நினைப்பது மாருதியைத்தான். பேங்க் என்றவுடன் எஸ்.பி.ஐ; இன்ஷூரன்ஸ் என்றவுடன் எல்.ஐ.சி. இவை அனைத்திற்கும் ஒரே பொதுவான விஷயம், பிராண்ட் வேல்யூதான். அரசாங்கம் மற்றும் பொதுமக்க ளிடம் நல்ல பிராண்ட் வேல்யூ இருந்தால் அது பல வகைகளில் நேரடியாகவோ அல்லது மறைமுகமாகவோ உதவி செய்யும். பிராண்ட் வேல்யூ நன்றாக இருந்தால், வியாபாரம் பெருகும்; தொழில் விரிவாக்கம் சுலபமாக இருக்கும்; வேலை செய்ய விண்ணப்பதாரர்கள் அதிகமாகக் கிடைப்பார்கள்; அந்நிறுவனப் பங்குகளுக்கு சந்தையில் அதிக டிமாண்ட் இருக்கும் என அடுக்கிக் கொண்டே செல்லலாம். ஆக, மொத்தத்தில் நீங்கள் வாங்கப் போகும் பங்கிற்கு நல்ல பிராண்ட் வேல்யூ இருக்கிறதா என்று பார்ப்பது அவசியம்!

எதிர்காலத் திட்டங்கள்:

ஒரு நிறுவனத்திற்கு கடந்த காலம் மற்றும் நிகழ்காலம் எவ்வளவு முக்கியமோ, அவ்வளவு முக்கியம் அதன் எதிர்காலம். நிறுவனங்களின் மேனேஜ்மென்ட் ஆண்டறிக்கையில் நிறுவனங் களின் எதிர்காலத் திட்டங்கள் பற்றித் தெரிவிக்கப்பட்டிருக்கும். மேலும், அவ்வப்போது பத்திரிகைகளிலும் இதுகுறித்த செய்திகள் வெளிவரும். இதன் மூலம் அந்நிறுவனங்களின் எதிர்காலத் திட்டம் பற்றி நீங்கள் தெரிந்து கொள்ளலாம்.
மிக வேகமான வளர்ச்சிக்கு எதிர்காலங்களில் அந்நிறுவனம் திட்டமிடுகிறது என்றால், அந்நிறுவனத்தின் ரிஸ்க்கும் அதிகரிக்கும். அதேபோல் கடன் அதிகம் வாங்காமல், லாபத்தை வைத்தே தனது பிஸினஸை விஸ்தரிக்கும் நிறுவனம் என்றால், ரிஸ்க் வெகுவாகக் குறைந்துவிடும். மேலும், ஐ.டி துறையில் முன்னணியாக இருக்கும் நிறுவனம் திடீரென்று ரியல் எஸ்டேட்டில் வேகமாக நுழையப் போகிறது என்றால், சற்று யோசிக்க வேண்டும். அதேபோல் எதிர்காலத்தில் நிறுவனப் பங்குகளை, ஃபாலோ ஆன் ஆஃபர் மூலம், தொழில் விஸ்தரிப்பிற்காக இரட்டிப்பாக்கப் போகிறது என்றால், அதுவும் யோசிக்க வேண்டிய விஷயமே. இதைப் போல் பலப்பல விஷயங்களைத் தெரிந்து நுழைவது சிறந்தது.

வேலை செய்பவர்களின் தரம்:

ஒரு நிறுவனத்தின் தரத்தை அங்கு வேலை செய்பவர்களை வைத்து மதிப்பிடலாம். தரமான ஊழியர்களைக் கொண்ட நிறுவனம் எப்போதும் தழைத்து நிற்கும். அவர்கள் கொண்டுவரும் புதிய ஐடியாக்கள் மூலம் நிறுவனமும் இளமையாக இருக்கும். அவ்வாறு தரமான ஊழியர்கள் கிடைப்பதற்கும், அவர்களைத் தக்க வைத்துக் கொள்வதற்கும் மதிப்புடன் நடத்த வேண்டும்; நல்ல சம்பளம் கொடுக்க வேண்டும்; அவர்களும் அதனால் நிறுவனமும் வளர்வதற்கு வாய்ப்புகளை உருவாக்கிக் கொடுக்க வேண்டும்.
முப்பது, நாற்பது வருடங்களுக்கு முன்பே டாடா குழுமத்தினர் தங்கள் ஊழியர்கள் குளிர்சாதனப் பெட்டிகள், வாகனங்கள் போன்ற அனைத்து வசதியோடும் வாழ வேண்டும் என்று நினைத்து, அதற்குத் தேவையான வசதி வாய்ப்புகளையும் செய்து கொடுத்தனர். ஆகவே, நீங்கள் வாங்கப் போகும் நிறுவனம் தரமான ஊழியர்களைக் கொண்டுள்ளதா என்பதையும் அறிந்து கொள்ளுங்கள்.
இனிவரும் வாரங்களில் குவாண்டிடேடிவ் அனாலிசிஸ் என்று சொல்லக்கூடிய நிறுவனங் களை மதிப்பிட உதவும் விகிதங்கள் மற்றும் எண்களை பற்றிக் காண்போம்.

 நன்றி: நாணயம் விகடன்

Read More

ஷேர் மார்க்கெட் - 17

ஒரு நல்ல பங்கைத் தேர்வு செய்ய அதன் நிர்வாகத்தைக் கவனிக்க வேண்டும் என்று கடந்த அத்தியாயத்தில் பார்த்தோம். நிர்வாகத்தின் தரத்தைப் பார்க்கிற அதே நேரத்தில் வேறு என்னென்ன விஷயங்களையும் கவனிக்க வேண்டும் என்பதை இப்போது விளக்கமாகச் சொல்கிறோம்.

நிறுவனத்தின் வயது:
ஒரு நிறுவனத்திற்கு நெடிய வரலாறு இருப்பது நல்லது. நீண்ட வரலாறு கொண்ட நிறுவனங்களுக்கு பல்வேறு ஏற்றயிறக்கங்களைச் சந்தித்த அனுபவம் இருக்கும். எந்த விஷயத்தை எப்படித் தீர்ப்பது என்று அதற்குத் தெரிந்திருக்கும். இனிவரும் காலத்தில் திடீரென பொருளாதார ஏற்றத்தாழ்வு வந்தால் அதை எப்படிச் சமாளிப்பது என்கிற அனுபவமும் அதற்கிருக்கும். அந்த வகையில் அந்த நிறுவனத்தின் மேனேஜ்மென்ட்டைப் பற்றி, அந்நிறுவனத்தின் புரமோட்டர்கள் பற்றி, அந்நிறுவனம் தயாரிக்கும் பொருட்கள் பற்றி, அதன் தரத்தைப் பற்றி, வாடிக்கையாளர் சேவையைப் பற்றி, முதலீட்டாளர் சேவையைப் பற்றி என பலவற்றையும் அறிந்து கொள்ள உதவும்.
அதிக வரலாறு இல்லாத புதிய நிறுவனங்களை விட்டு கொஞ்சம் தள்ளியிருப்பதே நல்லது. புதிய நிறுவனப் பங்குகளை வாங்குவதில் ரிஸ்க் அதிகமாக இருக்கும். இளவட்டங்கள் எப்போதும் அதிரடியாக இருப்பார்கள். ஆனால், அதிரடியாக இருந்தாலே வெற்றி கிடைத்துவிடும் என்று சொல்ல முடியாது. வெற்றிக்குத் தேவை வேகத்துடன் கூடிய விவேகம்.
நீண்ட வரலாறு கொண்ட நிறுவனங்கள் எத்தனை ஆண்டுகளுக்கு முன்பு தொடங்கப் பட்டவையாக இருக்க வேண்டும்? இதற்கென குறிப்பிட்ட வரையறை ஒன்றும் கிடையாது. எவ்வளவு அதிகமாக இருக்க முடியுமோ, அவ்வளவு நல்லது. குறைந்தபட்சம் இருபது இருபத்தைந்து வருடங்களுக்கு முன்பாகவாவது தொடங்கப்பட்ட நிறுவனமாக இருந்தால் நல்லது.
பொருட்களின் தரம்:

ஒரு பங்கை நீண்ட காலத்துக்கு நாம் வாங்கி வைத்திருக்கத் தயாராக இருக்கும்போது அந்த நிறுவனம் தயாரிக்கும் பொருட்களின் தரம் பற்றி அறிவதும் முக்கியம். ''இன்றைய தினத்தில் அனைத்து நிறுவனங்களுமே தரமான பொருட்களைத்தானே தயாரிக் கிறார்கள்?'' என்று நீங்கள் கேட்கலாம்.
நீங்கள் அனைத்து நிறுவனங்கள் என்று குறிப்பிடுவது ஐ.டி.சி- யாக இருக்கலாம், அல்லது பிரிட்டானியாவாக இருக்கலாம் அல்லது கோத்ரெஜ் நிறுவனமாக இருக்கலாம். இது மாதிரி மிகச் சில நிறுவனங்களின் பொருட்களையே நாம் வாங்கிப் பயன்படுத்துகிறோம். ஆனால், பெரும்பாலான நேரங்களில் பல நிறுவனங்கள் தயார் செய்யும் பொருட்களின் தரத்தை நம்மால் நேரடியாக வாங்கித் தெரிந்து கொள்ள முடிவதில்லை. இந்த பிரச்னைக்கு ஒரே வழி, ஒவ்வொரு நிறுவனங்கள் தயாரிக்கும் பொருட்களின் விற்பனை பற்றி நமக்குத் தெரிந்த வகையில் கேட்டும் படித்தும் அறிந்து கொள்வதே.
நிறுவனங்கள் தயார் செய்யும் பொருட்கள் தரமாக இருப்பின், அந்த நிறுவனத்தின் பொருட்கள் எப்போதும் டிமாண்ட்-ஆக இருக்கும். அதனால் உங்கள் முதலீடும் பாதுகாப்பாக இருந்து வளரச் செய்யும்.

பொருட்களின் அவசியம்:
நீங்கள் வாங்கும் பங்கு நிறுவனங்கள் எவ்விதமான பொருட்களைத் தயாரிக்கின்றன என்பதைக் காணுங்கள். தினம் தினம் தேவைப்படக்கூடிய பால், மின்சாரம், மருந்துகள், போக்கு வரத்து, சாலைகள் போன்றவற்றில் ஈடுபட்டுள்ளனவா அல்லது சொகுசு கார்கள், சொகுசு எலெக்ட்ரானிக் சாதனங்கள் போன்றவற்றைத் தயாரிக்கின்றனவா என்று பாருங்கள். வேல்யூ இன்வெஸ்ட்டர்கள் தினசரித் தேவைகளைப் பூர்த்தி செய்யக்கூடிய நிறுவனப் பங்குகளை நாடிச் செல்வர். அவ்வகையான பங்குகள் பாதுகாப்பானதும்கூட. அவசியத் தேவைகளைப் பூர்த்தி செய்யக்கூடிய நிறுவனங்களின் பணவரத்து (சிணீsலீ யீறீஷீஷ்) தொடர்ந்து நன்றாக இருக்கும். சொகுசுப் பொருட்களைத் தயாரிக்கும் நிறுவனங்களின் விற்பனை பொருளாதாரத்தைப் பொறுத்து ஏற்றயிறக்கம் அதிகமாக இருக்கும்.
ஃபோகஸ் செய்யும் செக்மென்ட்:
நீங்கள் பங்குகளை வாங்கப் போகும் நிறுவனத்தின் பொருட்கள் எந்த வர்க்கத்து மக்களுக்காகத் தயாரிக்கப்படுகின்றன என்று அலசுங்கள். ஐ.டி.சி., பிரிட்டானியா போல அனைத்து தர மக்களுக்குமானதைத் தயாரிக்கிறார்களா, அல்லது ஓபராய் ஓட்டல்ஸ் போன்று உயர்தட்டு மக்களுக்கானதா, அல்லது இன்ஃபோசிஸ் போன்று வெளிநாட்டு மற்றும் உள்நாட்டு நிறுவனங்கள் மட்டுமே பயன் படுத்துவதற்கா என்று பாருங்கள்.
பொருளாதாரம் அடி படும்போது ரீடெய்ல் வாடிக்கை யாளர்களை ஃபோகஸ் செய்யும் நிறுவனங்கள் அவ்வளவாக அடிபடாது. ஏனென்றால், பொருளாதாரம் அடிபடும்போது ரீடெய்ல் வாடிக்கையாளர்கள் அவர்களுடைய தேவைகளைக் குறைத்து கொள்வார்களே தவிர, அடியோடு நிறுத்திவிட மாட்டார்கள். ஆனால், பொருளாதாரம் பாதிப்படையும் நிறுவன வாடிக்கையாளர்களைக் கொண்டுள்ள நிறுவனங்கள் அதிகமாக அடிபட வாய்ப்புள்ளது. ஏனென்றால், நிறுவனங்கள் தங்களுடைய செலவினங்களை குறைக்க பொருட்களையோ அல்லது சேவைகளையோ வாங்கு வதை அடியோடு நிறுத்தக்கூட செய்வார்கள். ஆனால், பொருளாதாரம் ஏறும்போது இதுவே தலைகீழாகவும் மாற வாய்ப்புள்ளது.

தொழில் செய்யும் பகுதிகள்/நாடுகள்:
இன்றைய பொருளாதாரம் பன்னாட்டுமயமாக்கப்பட்டு விட்டது. நமது நாட்டு ஐ.டி நிறுவனங்கள் உலகெங்கிலும் தொழில் செய்கின்றன. சொல்லப் போனால் உள்நாட்டு விற்பனையை விட அவர்களின் வெளிநாட்டு விற்பனை பன்மடங்கு அதிகம். அப்படி இருக்கும்போது ஒரு வெளிநாட்டிலிருந்து வரும் வருமானம் அந்நிறுவனத்திற்கு அதிகம் என்றால், அந்நாட்டின் பொருளாதார நிலைமை இந்நிறு வனத்தையும் பாதிக்கும்.
உதாரணத்திற்கு, இன்ஃபோசிஸ் நிறுவனத்திற்கு வெளிநாட்டிலிருந்து வரும் வருமானம் 97.8% (டிசம்பர் 31, 2010). உள்நாட்டிலிருந்து வரும் வருமானம் வெறும் 2.2%-தான். ஆக, இந்தியப் பொருளாதாரத்தைவிட வெளிநாடுகளின் பொருளாதாரம் தான் அதிகமாக இன்ஃபோசிஸைப் பாதிக்கும். அதிலும் வடஅமெரிக்க பொருளாதாரம்தான் இன்னும் அதிகமாக பாதிக்கும். ஏனென்றால் அந்தப் பகுதியில் இருந்துதான் 65% வருமானம் வருகிறது.  அமெரிக்க சட்டதிட்டங்களில் மாற்றங்கள், வரிகளில் மாற்றங்கள் அல்லது அரசியல் மாற்றங்கள் இந்நிறுவனத்தைப் பாதிக்கலாம்.
அதே சமயத்தில் ஐ.டி.சி. போன்ற நிறுவனத்தின் பெரும்பகுதியான வருமானம் நம் மண்ணில் இருந்துதான் வருகிறது. சமீபத்தில் மத்திய கிழக்கு நாடுகளில் அமைதியின்மை நிகழ்ந்து வருகிறது. ஆகவே, அங்கு அதிகமாக தொழில் புரிந்துவரும் இந்தியக் கம்பெனிகளுக்குப் பாதிப்பு ஏற்பட வாய்ப்புள்ளது. புஞ்ச்லாய்ட் என்ற நிறுவனம் லிபியாவில் பெரிய ஆர்டரைப் பெற்றிருந்தது. மேலும், மத்திய கிழக்கு நாடுகளில் அதிக தொழில் செய்து வந்தது. ஏற்கெனவே அந்நிறுவனத்திற்கு பல பிரச்னைகள். இப்போது இதுவும் சேர்ந்து கொள்ள, சமீபகாலத்தில் அதன் பங்கு சரிபாதியாகக் குறைந்துள்ளது. ஆகவே முதலீட்டாளராகிய நீங்கள் அந்நிறுவனம் எங்கெங்கு தொழில் செய்கிறது, அதனால் ஏற்படும் பலன் மற்றும் பலவீனத்தை அறிய வேண்டியது முக்கியம்.
சுற்றுப்புறச்சூழல்:
இன்று ஒவ்வொரு நிறுவனமும் சுற்றுப்புறச்சூழலை மதித்து நடக்க வேண்டியுள்ளது. இல்லையெனில் அரசாங்கம் மற்றும் பொதுமக் களின் கோபத்திற்கு ஆளாக வேண்டியுள்ளது. இதனால் தொழில்கள் பெருமளவு பாதிப் படையலாம். உதாரணத்திற்கு, தோல் தொழிற்சாலைகள் மற்றும் டெக்ஸ்டைல் சார்ந்த தொழிற்சாலைகளை எடுத்துக் கொள்ளுங்கள். கோர்ட் உத்தர வினால் திருப்பூர் பாதிக்கப் பட்டது நாம் அனைவரும் அறிந்த விஷயம். அதேபோல் பல ஆண்டுகளுக்கு முன் தோல் பதனிடும் தொழிற் சாலைகள் தமிழ்நாட்டில் பெரும்
பாதிப்பிற்கு உள்ளாகின. சமீபத்தில் தூத்துக்குடி யில் உள்ள ஸ்டெர்லைட் இண்டஸ்ட்ரிஸை மூடச் சொன்னது நாம் அனைவரும் அறிந்ததே. ஆகவே நீங்கள் நுழையப் போகும் பங்கு சுற்றுப்புறச்சூழலிற்குப் பாதிப்பை ஏற்படுத்தக்கூடியதா என்பதையும் பார்ப்பது அவசியம்.

 நன்றி: நாணயம் விகடன்

Read More

ஷேர் மார்க்கெட் - 16

சென்ற வாரம் ஃபண்டமென்டல் அனாலிசிஸ்-ல் முக்கியமாகப் பார்க்க வேண்டிய சில அளவுகோல்களாகிய பொருளாதாரம் மற்றும் துறைகளின் வாய்ப்புக்கள் பற்றி கண்டோம். இதுபோல் ஒரு சிறந்த பங்கைத் தேர்வு செய்வதற்கு இன்னும் பல அளவுகோல்கள் உள்ளன. அவற்றுள் முக்கியமானது, மேனேஜ்மென்ட் அல்லது நிர்வாகத்தின் தரம். அதைப் பற்றி பார்க்கலாம்....நிர்வாகத்தின் தரம்:
பொருளாதாரம் மற்றும் துறைகளை அலசிய பிறகு, ஒரு பங்கை வாங்குவதற்குத் தேவைப்படும் முக்கியமான அம்சம், நிர்வாகத்தின் நம்பகத்தன்மை, திறமை மற்றும் நியாயமான நடத்தை. ஒரு நாட்டிற்கு அரசாங்கம் எவ்வளவு முக்கியமோ, ஒரு வீட்டிற்கு தலைவர் எவ்வளவு முக்கியமோ, ஒரு வகுப்புக்கு ஆசிரியர் எவ்வளவு முக்கியமோ, அந்த அளவுக்கு ஒரு நிறுவனத்துக்கு அதன் நிர்வாகம் முக்கியம்.
சரி, நிர்வாகம் என்று யாரைக் கூறுகிறோம்? சுருக்கமாகச் சொல்லப் போனால், ஒரு நிறுவனத்தை வழிநடத்திச் செல்லும் முக்கிய அணிதான் நிர்வாகம். குறிப்பாகச் சொல்ல வேண்டுமென்றால், புரமோட்டர், சேர்மன், போர்டு ஆஃப் டைரக்டர்ஸ், சி.இ.ஓ. அல்லது மேனேஜிங் டைரக்டர் மற்றும் முக்கிய பொறுப்பு வகிப்பவர்களைக் கூறலாம்.
தரமான நிர்வாகம் தங்களுக்கென்று சில நல்ல கொள்கைகளை விடாப்பிடியாக வைத்திருப்பார்கள். அவற்றுள் முக்கியமானவை: உன்னதமான வாடிக்கையாளர் சேவை, வரி ஏய்ப்பு செய்யாமல் இருத்தல், தயாரிக்கும் பொருட்களின் தரத்திற்கு முதலிடம், தலையே போனாலும் லஞ்சம் கொடுக்காமல் இருத்தல், சட்டத்திற்கு மேல் ஒருபடி சென்று நியாயத்திற்கு முதலிடம் கொடுத்தல், ஊழியர்களின் நலன் கருதுதல், தங்களுக்கென்று அநியாயமான சம்பளம் எடுத்துக் கொள்ளாமல் இருத்தல் என்று அடுக்கிக் கொண்டே செல்லலாம்.

நிர்வாகத்தின் தரம் என்ற ஓர் அளவுகோலை அப்ளை செய்தாலே போதும் - இந்தியாவில் பல நிறுவனங்களை ஒதுக்கிவிடுவீர்கள் என்பது உறுதி. அந்த அளவிற்கு நிர்வாகத்தின் தரத்திற்கு நம் நாட்டில் பஞ்சம் உள்ளது. ரியல் எஸ்டேட் போன்ற துறைகளில் முதலீட்டாளர்கள் நுழையாமல் இருப்பதற்கு இதுவே முதல் காரணம். டாடா குழும நிறுவனங்கள், ஹெச்.டி.எஃப்.சி.குழுமம், இன்போஃஸிஸ், மஹிந்திரா அன்ட் மஹிந்திரா மற்றும் பல பொதுத்துறை நிறுவனங்கள் தலை நிமிர்ந்து நிற்பதற்கு காரணம் அவைகள் மக்களிடத்தில் பெற்றுள்ள அசராத நம்பிக்கைதான்! டாடா போன்ற நிறுவனங்கள் லஞ்சம் கொடுக்காமல் இருப்பதற்காக சில துறை களில் நுழையாமல் போனதும் உண்டு. ஏன் நமது தென்தமிழ் நாட்டில் டாடா குழுமம் ஒரு தொழிற்சாலையை ஆரம்பிக் காமல் போனார்கள். காரணம் அநியாயமான ரியல் எஸ்டேட் விலை. ஹெச்.டி.எஃப்.சி குழு மத்தின் பங்குகள் சந்தையில் எப்போதும் அதிக விலையில் விற்பதற்கு ஒரு காரணம் - அந்த நிர்வாகத்தின் தரம் மற்றும் வெளிப்படைத்தன்மை.
பங்குகளைத் தேர்வு செய்யும் போது நாம் ஏன் நிர்வாகத்திற்கு இவ்வளவு முக்கியத்துவம் கொடுக்க வேண்டும்? அரசாங்கம் சரியில்லாவிடில் அந்த நாட்டு மக்கள் மட்டுமல்லாது பக்கத்து நாட்டு மக்களும் அவதிப்படுவார்கள். அதே போலத்தான் நிர்வாக விஷயமும். நிர்வாகத்தின் ஒரு சிறிய தவறான அணுகுமுறையினால், முதலீட்டாளர்கள் தங்களுடைய முதலீடு முழுவதையும்கூட இழக்கக்கூடும். பின்னணி தெரியாத அல்லது நம்பகத்தன்மை இல்லாத புரமோட்டர்கள், நிர்வாகத்தினர்களால் இந்திய முதலீட்டாளர்கள் இதுவரை இழந்துள்ளது எத்தனையோ கோடி!

'தி இன்டெலிஜென்ட் இன்வெஸ்டார்’ புத்தகத்தில் பெஞ்சமின் கிரஹாம் முதலீடு என்பதை இவ்வாறு விவரிக்கிறார்: 'முதலீடு என்பது அசலைப் பாதுகாக்கக்கூடியதாகவும் போதுமான அளவு வருமானத் தைத் தரக்கூடியதாகவும் இருக்க வேண்டும். இந்த வரையறைக்குள் வராதவை சூதாட்டம் ஆகும்.'
நமது முதலீடு (அசல்) எப்போது பாதுகாப்பாக இருக்கும்? அதற்கு முக்கிய காரணி எது என்று அலசினால், சந்தேகம் இல்லாமல் கிடைக்கும் விடை, தரமான  நிர்வாகம் என்பதே.
'தரமான நிர்வாகம் என்று சொல்கிறீர்களே? நானோ ஒரு சிறிய முதலீட்டாளர். நான் எவ்வாறு ஒரு நிறுவனத்தின் நிர்வாகம் தரமானதா அல்லது தரமற்றதா என்று கண்டுபிடிக்க முடியும்?’ என்ற கேள்வி உங்களுக்குள் எழலாம்.
உதாரணத்துக்கு நீங்கள் ஒரு தமிழர். தமிழ்நாட்டில் பல காலம் வசித்துள்ளீர்கள். உங்களது அப்பா அல்லது அம்மா நீண்ட காலமாக சுந்தரம் ஃபைனான்ஸ் நிறுவனத்தில் பணத்தை டெபாசிட் செய்து மாதாமாதம் வட்டி பெற்றுக் கொண்டிருந்ததும், அந்த வட்டி அந்த நிறுவனம் சொன்னது போல் மாதம்தோறும் தவறாமல் உரிய தேதியில் உங்களது பெற்றோருக்குக் கிடைத்ததும் உங்களுக்குத் தெரியும். அவர்களின் கஸ்டமர் சேவை உன்னதம் என்பதும்  உங்களுக்குத் தெரியும். மேலும் பல நிதி நிறுவனங்கள் தமிழ்நாட்டிலும் பிற மாநிலங்களிலும் மோசடி செய்து டெபாசிட் தாரர்கள் தங்களது அசலை இழந்தபோதும், சுந்தரம் ஃபைனான்ஸ் டெபாசிட்தாரர்கள் தங்களது பணத்தை ஒருபோதும் இழக்கவில்லை என்பதும் உங்களுக்குத் தெரியும்.
பொதுவாக பங்குச் சந்தையில் தரமான நிர்வாகம் கொண்ட நிறுவனங்களின் பங்குகளின் விலை அதன் போட்டி நிறுவனப் பங்குடன் ஒப்பிடுகையில் அதிக பிரீமியத்திலேயே விற்பனை யாகும். அதாவது, அதிக விலையில் விற்பனையாகும்!

ஒரு நிர்வாகத்தின் தரத்தை ஆராய்வதற்கு குறைந்தபட்ச ஃபில்டர்களாக கீழே கொடுக்கப் பட்டுள்ள புள்ளிகளை எடுத்துக் கொள்ளலாம்:
1. நிறுவனம் மற்றும் அதன் நிர்வாக டீம் எவ்வளவு நாட்களாக அத்தொழிலில் உள்ளார்கள்? 20 - 25 வருடங்களா? அல்லது அதற்கும் மேலா? அதிக காலம் இருப்பது நல்லது!
2. டெபாசிட்தாரர்களை, பாண்ட் வைத்திருப்பவர்களை, பங்குதாரர்களை அந்நிறுவனம் இதுவரை ஏமாற்றியுள்ளதா?
3. புரமோட்டர்கள் அல்லது நிர்வாகம் லஞ்ச, ஊழலில் இதுவரை ஈடுபட்டுள்ளதாக ஏதே னும் செய்திகள் வந்துள்ளதா?
4.நிறுவனமோ, புரமோட்டர்களோ, மேனேஜ்மென்ட்டோ அரசாங்கத்திடமோ, அதன் சார்பு நிறுவனங்களிடமோ அல்லது பொதுமக் களிடமோ சர்ச்சைக்கு ஆளாகி இருக்கிறதா?
5.   தங்களுடைய பங்குகளை சில ஸ்பெக்குலேட்டர்கள் மூலம் வாங்கி விற்பது (பங்கு விலையில் ஏற்ற இறக்கத்தை உண்டு பண்ணுவதற்காக) போன்ற நடவடிக்கையில் ஈடுபட்டுள்ளார் களா?
6. சட்டத்தை முற்றிலுமாக மதித்து அதற்கு மேலும் நியாயத் துடன் செயல்படும் நிர்வாகமா?
7. தங்களுடைய ஊழியர் களை மதித்து அவர்கள் விசுவாசத்துடன் இருக்க போதிய வசதி வாய்ப்புக்களை செய்து கொடுத்திருக்கிறதா?
8. வாடிக்கையாளர்களை சொத்தாக நினைத்து சேவை புரியும் நிர்வாகமா?
9. செய்யும் தொழிலை தெய்வமாக நினைத்து அதைத் திறம்பட செய்யும் நிர்வாகமா?
10. நிர்வாகம் சொல்வதும் செய்வதும் ஒன்றாக இருக்கிறதா?
11. பங்குதாரர்களுக்கு சேவை மற்றும் பலன் நன்றாக உள்ளதா?
இது போல் எத்தனையோ ஃபில்டர்களை வைத்து நீங்களும் மேனேஜ்மென்டின் தரத்தை ஆராயலாம். இது ஒரு முடிவல்ல. ஆரம்பமே... நீங்கள் முக்கியமாக கருதும் வேறு சில விஷயங்களையும் இந்தப் பட்டியலில் சேர்த்துக் கொள்ளவும். மொத்தத்தில் பங்கில் முதலீடு செய்யுமுன் அந்த நிர்வாகத்தின் தரத்திற்கு உங்களது தராசு அதிகமாகச் சாயட்டும்.

 நன்றி: நாணயம் விகடன்

Read More

ஷேர் மார்க்கெட் - 15

கடந்த சில இதழ்களில் வெவ்வேறு முதலீட்டு யுக்திகள் பற்றியும் அவற்றின் நன்மை, தீமைகள் பற்றியும் பார்த்தோம்... முதலீட்டு யுக்தி களைப் பொறுத்தவரை ஓர் உண்மையை உணர வேண்டும். எல்லா முதலீட்டு யுக்திகளும் எல்லோருக்குமானதல்ல. சில யுக்திகள் சிலருக்கு சரிவரும்; சில யுக்திகள் சிலருக்கு கூடவேகூடாது. ஒவ்வொருவரும் தங்களுக்கு எவ்வகையான முதலீட்டு யுக்திகள் ஒத்துவரும் என்று ஆராய்ந்து அறிந்து, அதைத் தேர்வு செய்துகொள்ள வேண்டும்.

நாம் இதுவரை கண்ட அனைத்துமே நீண்ட கால முதலீட்டாளர்களுக்கான முதலீட்டு யுக்திகளே. குறுகிய காலத்தில் டிரேட் செய்பவர் களுக்கு மெக்கானிக்கல் டிரேடிங், மொமண்டம் டிரேடிங், ஸ்விங் டிரேடிங் என பல வகையான டிரேடிங் யுக்திகள் உள்ளன. ஆனால், இவை எல்லாம் நீண்ட கால நோக்கில் முதலீடு செய்ய நினைக்கும் முதலீட்டாளர்களுக்கு கொஞ்சம் அதிகப்படியான சமாசாரமே. ஒரு பங்கை சரியாக மதிப்பிடத் தெரிந்தால் போதும்; பங்குச் சந்தையில் நீங்கள் பணத்தைக் குவிப்பது உறுதி. ஆனால், பங்கை எப்படி மதிப்பிடுவது?


இரண்டு வகைகளில் பங்கை மதிப்பிடலாம். ஒன்று, ஃபண்டமென்டல் (Fundamental); மற்றொன்று டெக்னிக்கல். புதிதாக சந்தை யில் நுழைபவர்கள் பலர் டெக்னிக்கல் அனாலிஸிஸை டி.வி-யிலும் பத்திரிகைகளிலும் பார்த்து, சந்தையில் பணத்தைப் போட்டால் நன்றாகச் சம்பாதித்து விடலாம் என்று நினைத்து நுழைகிறார்கள்.  ஓரிரு தடவை பெரிய இழப்புகள் ஏற்படவும், இது ஒரு சூதாட்டம் என்று நினைத்து பங்கு முதலீட்டை விட்டே அடியோடு வெளியேறி விடுகிறார்கள். இன்னும் சிலரோ எவ்வாறு பங்குகளைத் தேர்ந்தெடுப்பது, அல்லது எந்த வழி சிறந்த வழி - டெக்னிக்கலா அல்லது ஃபண்டமெண்டலா என்ற குழப்பத்திலேயே இருக்கிறார்கள். உங்களுக்கு இது மாதிரியான குழப்பம் இருக்கிறது என்றால் இதோ என் கருத்து: ''பங்கு முதலீட்டுக்குச் சிறந்த வழி என்பது ஒரு நிறுவனத்தின் ஃபண்டமெண்டல்ஸைப் பார்த்துச் செய்வதுதான். ஒரு குழந்தையை நாம் எல்.கே.ஜி-யில் படிக்கச் சேர்க்கிறோம். அந்தக் குழந்தை பதினேழு பதினெட்டு ஆண்டுகள் பள்ளி மற்றும் கல்லூரியில் படித்து தேர்ச்சி பெற்ற பிறகுதான் ஒரு நல்ல வேலைக்குப் போகிறது. அதுவரை பெற்றோர்களாகிய நாம் பொறுமையாக இருக்கிறோம். இந்த காலகட்டத்திற்குள் நம் குடும்பத்தில் பலவிதமான கஷ்டங்கள் வந்தாலும், அதை எல்லாம் தாங்கிக் கொண்டு, குழந்தையைப் படிக்க வைக்கிறோம்.
ஆனால், இந்தப் பொறுமை இல்லாமல், குழந்தை பள்ளியில் படிக்கும் போதோ அல்லது கல்லூரியில் படிக்கும் போதோ நிறுத்திவிட்டால், அந்தக் குழந்தைக்கு என்ன வேலை கிடைக்கும் என்பது நமக்கே தெரியும். குழந்தையைப் போன்றது தான் முதலீடும். திடீரென்று வாங்குவது, திடீரென்று விற்பது கூடவே கூடாது. எனவே, டெக்னிக்கலைப் பற்றி நீண்டகால முதலீட்டாளர்கள் கவலைப்பட வேண்டியதில்லை'' என்பதே என் கருத்து.
ஆகவே, ஃபண்டமென்டல் அனாலிசிஸ்-ல் நாம் கற்றுக் கொள்ள வேண்டிய வெவ்வேறு விதமான அளவுகோல்களைப் பற்றி இனி விரிவாகக் காண்போம்...
பொருளாதாரம்:
நிறைய பணத்தை ஒரே தடவையில் முதலீடு செய்ய நினைப்பவர்களுக்கு முக்கியமான அளவுகோல் பொருளாதாரத்தின் நாடித்துடிப்புகளாகிய ஜி.டி.பி. வளர்ச்சி, பணவீக்கம், வட்டி விகிதம், வேலையில்லாதோர் எண்ணிக்கை போன்றவை ஆகும். உதாரணமாக, வட்டி விகிதம் உயர்ந்தால் பங்குச் சந்தை இறங்கும். இந்த மாற்றத்தால் நம் லாபம் குறையும் என்று பங்குச் சந்தை முதலீட்டாளர்கள் நினைப்பதே இதற்குக் காரணம். ஆனால், இந்தியா போன்ற பெரிய பொருளாதாரங்களில் வட்டி விகிதம் ஏறுவதும் இறங்குவதுமாகவே இருக்கிறது. ஆகவே ஒவ்வொரு தடவையும் வட்டி விகிதம் ஏறி, பங்குச் சந்தை சரிவதை நல்ல வாய்ப்பாக நினைத்து, முதலீடு செய்யலாம்.
அதே போல் பல காரணங் களால் பங்குச் சந்தை 2008-ம் ஆண்டு விழுந்தது. இது போன்ற சந்தர்ப்பங்கள் எப்போதாவது வர வாய்ப்புள்ளது. இது போன்ற சமயங்களில் புதிதாக முதலீடு செய்வதன் மூலம் முதலீட்டாளர்கள் தங்களுக்கு சாதகமான பலனை உருவாக்கிக் கொள்ளலாம். ஆனால் இப்படி முதலீடு செய்ய விரும்பும் முதலீட்டாளர்கள் அதிகமாக பணம் வைத்திருக்க வேண்டும். 'கேஷ் இஸ் த கிங்' (Cash is the King)  என்று ஆங்கிலத்தில் கூறுவார்கள். அவ்வாறு வைத்தி ருக்கும் பணத்தையும் நல்ல தரமான டெபாசிட்டுகளில்/ அரசாங்க பத்திரங்களில் வைத்திருக்க வேண்டும்.
வாரன் பஃபட் போன்ற முதலீட்டாளர்களின் வெற்றியின் ரகசியம் இதுதான். சரியான சந்தர்ப்பம் கிடைக்கும்போது உடனே முதலீடு செய்ய ஏதுவாக பணத்தை ரெடியாக வைத்திருப்பார். எல்லோரும் அலறி அடித்துக் கொண்டு விற்கும் போது அவர் மட்டுமே நம்பிக்கையோடு பணத்தை முதலீடு செய்வார். அதன் விளைவுதான், உலகின் நம்பர் 2 பணக்காரர் என்கிற பெருமை.

துறையின் நிகழ்காலம், எதிர்காலம்:
நீங்கள் வாங்க விரும்பும் நிறுவனம் இருக்கும் துறையின் நிகழ்காலம், எதிர்காலம் எவ்வாறு உள்ளது என்பதை அலசி ஆராயுங்கள். அத்துறையின் வளர்ச்சி, பலம், பலவீனம் போன்ற வற்றை அறிந்து கொள்ளுங்கள். அதிவேக வளர்ச்சியுள்ள துறையா அல்லது அதிக கேஷ் ஃபுளோ உள்ள துறையா என்பதைக் கண்டறியுங்கள்.
புதிய பொருளாதார நிறுவனங்கள் ( நம்நாட்டில் எஸ்.கே.எஸ். மைக்ரோ ஃபைனான்ஸ்) அவ்வப்பொழுது திடீரென்று எழுந்து வரும். அத்துறையின் எதிர்காலம் சூரியன் போல பிரகாசிக்கும் என்று கூறுவார்கள். எத்துறையில் அதிக வாய்ப்புக்கள் இருக்கிறதோ, எத்துறையில் அதிக வளர்ச்சி இருக்கிறதோ, எத்துறை புதிய பொருளாதாரமாக உருவெடுக்கிறதோ அத்துறையில் அதிக ரிஸ்க்கும் இருக்கிறது என்பதை மனதில் கொண்டு செயல்படுங்கள்.
வேல்யூ இன்வெஸ்ட்டார்கள் இதுபோன்ற அதிக வளர்ச்சியுள்ள அல்லது புதிய பொருளாதார நிறுவனங்களில் முதலீடு செய்ய அஞ்சுவர். அதே சமயத்தில் சீரான வளர்ச்சியில் உள்ள பழைய பொருளாதார துறைகளைப் பற்றி ஈஸியாக அலசி ஆராய முடியும். ஏனென்றால் அத்துறையைப் பற்றிய புள்ளிவிவரங்கள் எளிதில் கிடைக்கும். தவிர, நம்மால் பழைய அனுபவத்தை வைத்து ஆராயவும் முடியும்.
சில துறைகள் சில சமயங்களில் அதலபாதாளத்தில் அடிபட்டுக் கிடக்கும். எல்லாத் துறைகளும் ஒரே மாதிரியாக வளராது. சில சமயங்களில் மருந்துத்துறை மந்தமாக இருக்கும், இன்னும் சில சமயங்களில் எஃப்.எம்.சி.ஜி. (FMCG -  Fast Moving Consumer Goods)  துறை மந்தமாக இருக்கும். வேறு சில தருணங்களிலோ இன்ப்ஃராஸ்ட்ரக்சர் துறை மந்தமாக இருக்கும். அதுபோன்ற சமயங்களில் அத்துறையில் உள்ள சிறந்த நிறுவனங்களின் பங்குகளை வாங்கிச் சேர்ப்பது நீண்ட கால முதலீட்டாளர்களுக்கு நன்மை பயக்கும்.
நீங்கள் முதலீடு செய்யப் போகும் துறையைப் பற்றிய பரிச்சயம் உங்களுக்கு எவ்வளவு உள்ளது என்று பாருங்கள். ஒரு துறையைப் பற்றிய பரிச்சயம் இருக்கும் போது அந்நிறுவனத்தின் பலம்/பலவீனம்/நிதி நிலைமை போன்றவற்றை ஆராய்வது ஈஸியாக இருக்கும். சுருக்கமாகச் சொல்லப் போனால் உங்களுக்குத் தெரிந்த/புரிந்து கொள்ளக்கூடிய துறைகளில் முதலீடு செய்வதே நல்லது.

 நன்றி: நாணயம் விகடன்

Read More